Kasb tanlashda uchraydigan xatoliklarni oldini olish omillari Reja Kasb tanlashda uchraydigan tipik xatoliklar. Kasb tanlashdagi onglilik va mustaqillik. Kasblarning murakkablik omillarini taxlil qilish

Kasbga yo‘naltirish ishi - butun pedagoglar jamoasining ishidir. Bu ish ta’lim-tarbiya jarayonining tarkibiy qismi bo‘lib qolishi lozim. SHu bilan birga bu ishni muvaffaqiyatli olib borish uchun umumiy ta’lim maktabi imkoniyatlari doirasidan kelib chiqadigan maxsus ish shakllarini joriy etish zarur. Bunday ish shakllariga, avvalo, aniq kasblarga oid mehnat mazmuni va shu kasblarning odamga qo‘yadigan o‘ziga xos talablari to‘g‘risidagi axborot, ish va kasbga o‘rgatish sharoitlari haqidagi, korxonalarda va o‘quv yurtlarida kadrlarga bo‘lgan talablar to‘g‘risidagi axborot, kasblar haqida maslahatlar berish kiradi. SHuning uchun ham maktab o‘quvchilari bilan kasbga yo‘naltirish ishini o‘tkazishga korxonalarni, jamoatchilikni, ommaviy axbo-rot vositalarini jalb qilish, kasbga oid maxsus maslahat punktlarini tuzish kerak bo‘ladi, bunday punktlarda o‘quvchilar va ularning ota-onalari kasb tanlash uchun zarur bo‘lgan ma’lumotlarni olishlari mumkin. Bularning hammasini kasbga yo‘naltirish xizmati deb atash mumkin. Bunday xizmatning vazifasi - o‘quvchilarni aniq kasbga yo‘naltirish masalasini to‘g‘ri xal qilishda maktabga yordam berishdan iboratdir.