"Kasb ta'limi" bakalavriat ta'lim yo'nalishi talabalari uchun (46-13 guruhi) Materialshunoslik fanidan ma'ruzalar (1-8) Tuzuvchi: dots. Xabibullayev R. A. Mundaruja

Металларнинг ички тузилиши.
Барча қаттиқ жисмлар ички тузилишига кўра икки гурухга бўлинади: атомлари тартибсиз жойлашган жисмлар гурухи билан атомлари тартибли жойлашган жисмлар гурухига бўлинади.
Атомлари тартибсиз жойлашган жисмлар аморф жисмлар деб аталади. Атомлари тартибли жойлашган жисмлар эса кристалл жисмлар дейилади.

Расм -1

Аморф жисмларнинг хоссалари уларда атомларни тартибсиз жойлашганлигидан келиб чиқади, масалан, аморф жисмлар қиздирилса бирор температурада суюқлана бошлаб бошқа бир температурада батамом суюқланиб бўлади ёки аксинча.
Аморф жисмларнинг физикавий ва кимёвий хоссалари хар хил йўналишда бир хил бўлади. Хоссаларнинг хар хил йўналишда бир хил бўлиши изотропия дейилади.
Кристалл жисмлар қиздирилса бирор температурда суюқлана бошлаб, шу температурани ўзида сакланиб бўлади ва аксинча. Кристалл жисмларнинг физикавий ва механикавий хоссалари хар хил йуналишда турлича бўлади. Хоссаларнинг хар йўналишда турлича бўлиши ходисаси анизатропия дейилади (анизотропия грек сўзидан олинган бўлиб anisos - тенгмас, (хар хил) tropos - хоссаси сўзларидан тузилган.)
Металларнинг хоссалари уларнинг кимёвий таркибига эмас, балки ички тузилишига бошкача килиб айтганда структурасига ҳам боғлиқ Металларнинг структурасини металлография деб аталадиган фан ўргатади. Шуни айтиб ўтиш керакки анизатропия хоссаси фақатгина монокристалларгагина хос. Атомлари муайян тартибда жойлашуви натижасида хосил бўлган геометрик жиҳатдан мунтазам шаклдаги жисм монокристалл дейилади. Ҳар хил тарзда жойлашган монокристаллар мажмуи полокристаллар дейилади.
Полокристаллар хоссалари хар хил йуналишда бир хил бўлади. Полокристаллар жисмларнинг хоссалари хар хил йўналишда бир хил бўлиши ходисаси квазизотропия деб аталади. Қаттиқ холатда металларнинг атомлари фазода муайян тартибда жойлашади. Натижада кристалл панжара хосил бўлади. Кристалл панжаранинг энг кичик қисми элементар каттакча дейилади. Элементлар катакчадаги икки атоми марказлари оралиги панжаранинг даври параметри деб аталади ва ангеструмда (А) ўлчанади..