Kasb-hunar kolleji

Xazina majburiyatlari - bu majburiyatlarning egalari tomonidan byudjetga pul mablag’larini berganliklarini tasdiqlovchi hamda ushbu qimmatli qog’ozlarga egalik qilishning butun muddati davomida belgilangan daromadni olish huquqini beruvchi (ko’rsatuvchi), egalik qiladigan davlat qimmatli qog’ozidir.
Xalqaro kredit – bu xalqaro umuiqtisodiy sohada, bir mamlakat tomonidan boshqa mamlakatga vaqtinchalik foydalanishga beriladigan qarz.
Xalqaro lizing – ko’pincha bu moliyaviy lizing (moliyaviy lizingni-qarang) bo’lib, bunda bir tomonda chet el hamkori (sherigi) turadi.
Xatar - qimmatli qog’ozlar (shu jumladan, investisiyalar) operasiyalari bilan bog’liq yo’qotishlar va muqarrar ravishda ularga xos ehtimollardir.
Xejer - narx-navoning noqulay o’zgarishlaridan sug’urtalanishga imkon beruvchi birja operasiyalarini amalga oshiruvchi shaxs.
Xolding – bu uning tarkibiga boshqa korxonalarning aksiyalar nazorat paketi kiradigan ochiq aksionerlik jamiyatidir.
Xotira plastik kartasi – bu ma’lumotlarni xotirasida saqlovchi eng oddiy elektron kartochkadir.
Xususiylashtirish – bu davlat mulki bo’lgan obektlarning yoki aksiyalarning jismoniy va nodavlat yuridik shaxslar tomonidan sotib olinishidir.
Xususiy tadbirkorlik - bu jismoniy yoki yuridik shaxslar tomonidan amalda o’zining shaxsiy mulki asosida tashkil etiladigan faoliyat turi.
Xususiy mulk - bu yuridik va jismoniy shaxslarning o’ziga tegishli bo’lgan mulki. Ular shu mulkni sotish, almashtirish va nazorat qilish huquqiga ega.
Xususiy banklar – jismoniy shaxslarning pul mablag’lari hisobidan tashkil qilingan banklar.
Xususiy kapital – bu ustav kapitali, qo’shilgan, zahira kapitali hamda taqsimlanmagan foydadan tarkib topadi.
Xo’jalik operasiyalari - deb, mablag’lar va ularning tashkil topish manbalarining yozma holda aks ettirilgan harakatiga aytiladi.
Xo’jalik shartnomasi - bu korxonalarning xo’jalik munosabatlarini o’rnatish haqidagi o’zaro kelishuvidir.