Kasb-hunar kolleji

Harajatlar - ishlab chiqarish faoliyati jarayonida yuzaga kelgan chiqim, sarflar.
Hisobot - bu xo’jalik faoliyati natijalari to’g’risida umumlashgan ma’lumotlar yig’indisidir.
Hisob-kitob hisobvaraqalari - bu huquqiy jihatdan mustaqil balansga va o’z oborot mablag’lariga ega bo’lgan, xo’jalik hisobi asosida ish yuritadigan korxona va tashkilotlarga ochiladigan hisobvaraqalar.
Hisob-operasion bo’limi – bu banklarda bajariladigan barcha operasiyalarning buxgalteriya hisobini olib borish uchun tashkil etilgan bankning bo’limi. Bu bo’limda bank faoliyatining ko’lami va yo’nalishi, mijozlar soni hamda boshqa ko’rsatkichlariga qarab bir qancha guruhlar ish yuritadi. Bu guruhlardagi ish yurituvchilar mas’ul ijrochi deb ataladi. Har bir mas’ul ijrochiga bir nechta mijozlar bo’lib berilib, ular o’zlariga bo’lib berilgan korxona va tashkilotlarning hisob-kitob, kassa, valyuta va kredit operasiyalari bo’yicha hisob-kitob ishlarini olib boradilar, ularga xizmat ko’rsatadilar. Bu guruhlar esa hisob guruhi deyiladi. Bundan tashqari, hisob-operasion bo’limda banklararo hisob-kitoblar bo’limi, davlat byudjetini kassa ijrosi bo’limi, bank ichki operasiyalarini tashkil etish bo’limi ham mavjud bo’ladi. Bu bo’limlarda ishlovchi buxgalterlar soni ham mazkur bo’limda bajariladigan operasiyalar ko’lami bilan belgilanadi.
Hisob-kitob kassa markazlari (HKKM) – Markaziy bank hududiy bosh boshqarmalarining tarkibiy tuzilmasi bo’lib, zahira fondlari, aylanma kassadagi pul mablag’lari va boshqa qimmatliklarni saqlaydigan va ular bo’yicha operasiyalarni bajaradigan tashkilot.
Hisob registrlari - buxgalteriya yozuvlarini yuritishga mo’ljallangan turli shakldagi jadvallar.
Hisob-kitob cheki - bu hisobvaraq egasi (chek beruvchi) o’z hisobvarag’idan oluvchining (chek egasi) hisobvarag’iga chekda ko’rsatilgan summadagi mablag’larni o’tkazib berish uchun bankninig maxsus blankasida bankga bergan topshirig’idir.
Hisob-kitoblar markazi - bu O’zbekiston Respublikasi Markaziy banki hududiy bosh boshqarmalarining buxgalteriya hisobi, hisob va hisob-kitoblar boshqarmasining bo’limi bo’lib, uning funksiyasiga banklarning vakillik hisob-kitob varaqalariga xizmat ko’rsatish va banklararo hisob-kitoblarning uzluksizligini ta’minlash kiradi.