Kasb-hunar kolleji

Shartnomaviy tadbirkorlik - mulk egasi bo’lmagan korxona rahbari (menejer) tomonidan shartnoma asosida amalga oshiriladigan faoliyat. Bu faoliyatda mas’uliyat menejer zimmasiga yuklatiladi.
Shaxsiy hisobvaraq – bu xo’jalik yurituvchi subektlar uchun ochiladigan hisobvaraqdir. Barcha hisobvaraqlar O’zbekiston Respublikasining Bank Depozitariylari Milliy Axborot Bazasida (BDMAB) ro’yxatdan o’tkaziladi. Bu erda har bir mijozga o’ziga xos raqam beriladi. Keyin bu koddan mazkur mijoz uchun ochiladigan barcha shaxsiy hisobvaraqalarni raqamlashda foydalaniladi. Mijoz uchun hisobvaraq ochilayotganda bankning bosh buxgalteri mijoz tomonidan taqdim etilgan hujjatlarni ko’rib chiqib, mijoz to’g’risidagi ma’lumotlar faylini BDMABga yuboradi. 1997 yildan boshlab mijozlarga xalqaro standartlarga mos hisobvaraqlar ochiladi.
Shaxsiy plastik kartochka – bu jismoniy shaxsga berilgan kartochkadir.
Sho’ba banki – ustav kapitali to’laligicha norezident bank tomonidan to’lanadigan bank.
Sho’b’a korxona – agar boshqa jamiyat yoki shirkat uning ustav fondida ustunlik qiluvchi ishtiroki tufayli yoki ular o’rtasida tuzilgan shartnomaga muvofiq, yoxud boshqacha tarzda mazkur jamiyat tomonidan qabul qilinadigan qarorlarni Belgilash imkoniyatiga ega bo’lsa, ushbu xo’jalik jamiyati sho’ba jamiyati deb tan olinadi.
Shubhali kredit – substandart kreditiga xos bo’lgan belgilarga ega. Qo’shimcha xususiyati – qarzning yomon ta’minlanganligidir. Zarar ko’rishi ehtimoli juda ham katta hisoblanadi. Lekin kelgusida izga solinishi mumkin bo’lgan ba’zi bir omillarning mavjudligi qarzlar qaytarilishiga ishonchni bir qadar qo’llab turadi. 180 kundan ortiq muddatda harakatsiz bo’lgan aktivlar va to’lanmagan foizlar shubhali qarzga kiritiladi. Ularning 50 foizi undirilmay qoladi deb hisoblanadi.


E
Elektron pul - bu hisob-kitoblarni elektron hisoblash mashinalari yordamida bajarish uchun qo’llaniladigan kredit pullarning eng so’nggi turidir.