Kasb-hunar kolleji

Uyushtirilmagan jamg’armalar - bu aholi qo’lida saqlanayotgan jamg’armalardir. Bu jamg’armalar turli ko’rinishda saqlanishi mumkin. Masalan: pul ko’rinishida, tovar-moddiy boyliklar shaklida, qimmatbaho metal shaklida, ko’chmas mulk shaklida va boshqa ko’rinishlarda saqlanishi mumkin.
Uzoq muddatli kreditlar - Besh yildan ortiq muddatga (ishlab chiqarish va ijtimoiy maqsadlarga mo’ljallangan obektlarni qurish, qayta ta’mirlash va texnik qayta jihozlashga doir harajatlar bilan bog’liq) investisiya maqsadlari uchun beriladigan ssudalar.
O’tkazma akkreditiv – bu akkreditivning xususiyati shundaki, buni boshqa shaxsga o’tkazish mumkin.
O’rta korxonalar - mulkchilik shaklidan qat’i nazar, ish bilan band bo’lgan hodimlarning o’rtacha yillik hisobida kichik korxonalar uchun belgilanganidan ortiq, biroq sanoat sohasida 100 kishidan yuqori bo’lmagan, qurilishda 50 kishidan, qishloq xo’jaligi va boshqa ishlab chiqarish sohalarida, ulgurji savdo 30 kishidan, chakana savdoda, xizmat ko’rsatish sohasi va boshqa noishlab chiqarish tarmoqlarida 20 kishidan ko’p bo’lmagan korxonalar.


F
Faktoring - banklar va boshqa moliyaviy tashkilotlarning korxonalar qarzlarini (etkazib berilgan va bajarilgan xizmatlarga haq to’lash bo’yicha majburiyatlarini) o’z zimmasiga olishidan iborat bo’lgan moliyaviy-tijorat xizmat turi.
Faktoring kompaniyasi - korxona va tashkilotlarning etkazib berilgan mollar va bajarilgan ish yoki ko’rsatilgan xizmatlarga haq to’lash bo’yicha majburiyatlarini o’z zimmasiga oluvchi kompaniya.
Firma - italyancha so’zdan olingan bo’lib, «imzo» degan ma’noni anglatadi. Yuridik shaxs huquqlaridan foydalanishi mumkin bo’lgan xo’jalik, sanoat va savdo korxonalari yoki mustaqil faoliyat yuritadigan shahobcha.
Fermer xo’jaligi - bu yuridik shaxs maqomiga ega bo’lgan, fermer xo’jaligi a’zolarining birgalikdagi mehnati asosida uzoq muddatga ijaraga berilgan er uchastkasida qishloq xo’jaligi mahsulotlarini – tovar ishlab chiqarishga asoslangan mustaqil xo’jalik yurituvchi subektdir.