Kasb-hunar kolleji

Tijorat banklarining o’z mablag’lari – bular maxsus fondlar, rezerv kapitali, moddiy rag’batlantirish fondi, ustav fondi, taqsimlanmagan foyda va boshqa har xil tashkil qilingan fondlar.
Tijorat banklarining jalb qilingan mablag’lari – bularga depozit operasiyasidan tushgan mablag’lar, boshqa banklardan olingan kreditlar, kontokorrent va korrespondent hisobvaraqlardagi mablag’lar kiradi.
Tijorat banklarining emitentlashgan mablag’lari - bularga qimmatbaho qog’ozlarni sotishdan olingan mablag’lar kiradi.
Tijorat bankining balansi - bu buxgalteriya balansi bo’lib, bankning o’z mablag’lari va jalb qilingan mablag’larining holatini hamda ularni bankning kredit va jalb qilingan mablag’larning oshganini, shuningdek, ularni bankning kredit va boshqa aktiv operasiyalariga joylanishini ifodalaydigan hisobotidir.
Tijorat banklarining investisiya kompaniyalari sifatidagi faoliyati - investisiya kompaniyasi qimmatli qog’ozlarni muomalaga chiqarishni tashkil etadigan va kafolatlaydigan, mablag’larning asosiy qismini qimmatli qog’ozlarga sarflaydigan, diller sifatida qimmatli qog’ozlarni savdo-sotiq qiladigan ixtisoslashgan korxonadir.
Tobe korxonalar – bu xo’jalik jamiyatining sarmoyasida ishtirok etayotgan boshqa jamiyat uning ovoz beruvchi aksiyalarining 20% idan ortig’iga ega bo’lsa, bu korxonalar tobe korxonalar hisoblanadi.
To’lovga qobillik – bu keng tushuncha bo’lib, bank zarur muddatlarda kreditlar, omonatchilar, davlat oldidagi majburiyatlarini to’liq bajara olish layoqatini bildiradi. Lekin u faqat balans likvidligiga bog’liq bo’lib qolmasdan, balki boshqa bir qator omillarga ham bog’liq.
To’lov talabnomasi - bu mahsulot etkazib Beruvchi va mablag’ oluvchilarning belgilangan summani to’lovchi bank orqali to’lashi to’g’risidagi talabnomani o’z ichiga olgan hisob-kitob hujjatidir. To’lov talabnomasi bo’yicha hisob-kitoblar «Aksept» shaklidagi hisob-kitoblar deb ham yuritiladi.
To’lov topshiriqnomasi - mijoz o’z hisobvarag’idan unga xizmat ko’rsatuvchi bankka ma’lum bir summani boshqa mijozning hisobvarag’iga o’tkazish to’g’risidagi topshirig’idir.