Kasb-hunar kolleji

Sarmoya – asosiy savdo mablag’i. Kichik savdoda harakat qiluvchi mablag’ dastmoya deb yuritilgan.
Sarmoyador – bu qimmtli qog’ozlarni o’z nomidan va o’z hisobidan sotib oluvchi jismoniy yoki yuridik shaxslardir (davlatdir).
Sarrof – pul almashtiruvchi, pulni maydalovchi. Savdo rastalari va ko’chalarda o’tirib, kishilarning yirik pullarini maydalab, qimmatbaho buyumlarini pulga almashtirib beruvchi shaxs. Sarroflar chet eldan kelgan savdogarlarning pullarini mahalliy pullarga almashtirib berish; qimmabaho toshlar, oltin, kumush va boshqalarning bahosini belgilash, pul va buyumlarni ma’lum vaqtgacha omonatga saqlash bilan ham shug’ullangan.
Sertifikat - bu bank tomonidan mijozning pul mablag’lari qo’yilganligi to’g’risida yozma guvohnoma va uning egasiga belgilangan muddat o’tishi bilan bankka qo’yilgan mablag’larni va ular bo’yicha taaluqli foiz ko’rinishida daromadlarni olish huquqidir.
Schyotlar tizimi - hisobot obektlarini ularning iqtisodiy mazmuniga ko’ra hisobga olishga xizmat qiladi. Bu esa schyotlar tizimi yordamida korxona xo’jalik faoliyatini nazorat qilish va reja topshiriqlarining bajarilishi haqida ma’lumotlar olish imkonini beradi.
Schyot oboroti - bu schyotlarning debet yoki kredit tomonlariga yozilgan operasiyalar summalarining yig’indisi.
Schyotlar korrespondensiyasi - xo’jalik operasiyalarini ikkiyoqlama yozuv usulida yozish, schyotlarning o’zaro bog’liqligidir.
Sintetik schyotlar - mablag’lar va xo’jalik jarayonlarining umumlashgan hisobi, pul birliklarida yuritiladigan schyotlarga aytiladi.
Sintetik hisob - sintetik schyotlar yordamida amalga oshiriladigan hisob.
Statistik hisob - ommaviy-ijtimoiy hodisalarni o’rganish va nazorat qilish tizimidan iborat bo’lgan hisob.
Statistik to’plam – o’zining belgilar jihatidan bir-biridan farq qiluvchi, lekin sifat jihatdan bir xil asosga ega bo’lgan birlik.
Statistik kuzatish – bu voqea va hodisalarni tashkiliy hisobi hisoblanib, shu asosda, ommaviy ravishda birlamchi statistik ma’lumotlar yig’ish bo’lib hisoblanadi. Statistik kuzatishni tashkil qilish shakli bo’lib statistik hisobot shakllari orqali tizimli ravishda ma’lumotlarni olish hamda maxsus statistik Tekshiruvga asosan ma’lumotlarni to’plashdir.