Касб этикаси қоидалари

6-боб. Раҳбар ва профессор-ўқитувчилар ҳамда ходимлар ўртасидаги 
одоб-ахлоққа
оид муносабатлар 

---

16 
26. Раҳбарият 
профессор-ўқитувчилар ва ходимлар билан иш 
фаолиятига доир масалалар бўйича ҳамкорлик қилишида бир тарафнинг 
бошқа тарафга тазйиқ ўтказишига, шунингдек адолат тамойилларига ва 
Университет манфаатларига зид бўлган қарорлар қабул қилинишига йўл 
қўйилмайди.
 
27. Профессор-ўқитувчилар ва ходимлар ўртасида иш фаолиятига оид 
муаммолар юзага келганда масала ўзаро, ҳамжиҳатлик ва тинч йўл билан 
қонуний ҳал этилиши лозим. 
28. Жамоада бирор-бир масала билан раҳбар профессор-ўқитувчилар ва 
ходимларга мурожаат қилиш субординация тартиби асосида ташкил этилади.
 
29. Ходимнинг Университетда маънавий-ахлоқий муҳитни янада 
яхшилаш бўйича ташаббус ва ғоялари рағбатлантирилади.
 
30. Раҳбарият профессор-ўқитувчилар ва ходимларнинг касбий ва 
интеллектуал жиҳатдан ривожланишлари учун қулай иш жойи, замонавий 
компьютерлар, интернет тармоғи, кутубхона фонди ва ахборот 
ресурсларидан эркин фойдаланишлари, шунингдек мазмунли ҳордиқ 
чиқаришлари, дам олишлари, жисмонан чиниқишлари учун барча 
имтиёзларни яратиб беради. 
7-боб. Профессор-ўқитувчилар ва ходимлар ва таълим олувчиларнинг 
таълим-тарбия жараёнидаги ўзаро муносабатлари 
31. Профессор-ўқитувчи аудиторияга кирганида, таълим олувчилар 
ҳурмат юзасидан ўринларидан туриб саломлашишлари, шунингдек 
профессор-ўқитувчи ўқув машғулоти якунлагангач, таълим олувчилар билан 
хайрлашиб аудиторияни тарк этиши лозим. 
32. Дарс машғулотлари вақтида уяли алоқа воситаларидан фойдаланиш 
профессор-ўқитувчилар ва ходимлар ҳамда таълим олувчилар учун қатъиян 
тақиқланади. 
33. Таълим олувчиларнинг ўқув машғулотига кеч қолиб келишларига 
йўл қўйилмайди. Узрли сабабга кўра дарсга кеч қолган ҳолатлар бундан 
мустасно, бунда таълим олувчи узр сўраб, профессор-ўқитувчининг ижозати 
билан жойига ўтириши мумкин. 
Ўқитувчи ўз ножўя ҳаракатлари билан ўқув машғулотига халақит 
бераётган таълим олувчи ҳақида тегишли раҳбарни ёзма хабардор қилиб, уни 
дарсдан четлатиши мумкин. 
34. Асосли жиддий сабаблар (профессор-ўқитувчининг қўполлиги, 
тамагирлик аломатларининг мавжудлиги (далиллар билан) ёки унинг айби 
билан машғулотларда мунтазам узилишлар юзага келиши ёхуд шу каби 
бошқа сабаблар) мавжуд бўлганда таълим олувчилар (гуруҳ) якдил равишда 
профессор-ўқитувчини алмаштириш ва чора кўриш ҳақида Университет 
Директорига илтимоснома киритишлари мумкин. 

---

17