Каримов А. А., Исломов Ф. Р., Авлоқулов А. З. Бухгалтерия ҳисоби

Ахборотнинг аниқлик даражаси.
Молиявий ҳисобот хўжалик муомалалари содир этилганидан кейин тузилади, шунинг учун объектив хусусиятга эга ва аудиторлик текширувидан ўтказилиши мумкин. Бошқарув ҳисоби келгусида содир этиладиган муомалалар бўйича ишлайди. Шу боисдан ҳам унинг ахбороти тахминий ва субъектив хусусиятга эга.
Солиқ ҳисоби маълумотлари объектив ҳамда ҳаққоний бўлиши шарт.
Тахминий жавобгарлик.
Молиявий ҳисоб ва ҳисобот тамойиллари бузилганда акциядорлар, кредиторлар ва бошқа фойдаланувчилар судга мурожаат қилиб, корхонанинг йиллик бухгалтерия баланси ва ҳисоботида келтириладиган ахборотни бузишда айблашлари мумкин.
Бошқарув ҳисоби ахборотидан фойдаланилган ҳисоботлар ҳисобнинг умумқабул қилинган тамойилларига мувофиқ келиши шарт эмас ва фойдаланувчиларнинг кенг доираси учун мўлжалланган эмас.
Солиқ ҳисоби юритиш тартиби бузилганида солиқ идоралари томонидан айбловлар қўйилиши ҳамда белгиланган тартибда маъмурий ва жиноий жавобгарликка тортилиши мумкин.
Молиявий, бошқарув ва солиқ ҳисоблари ўртасида бирмунча тафовутлар мавжуд бўлсада, уларнинг ўхшаш томонлари ҳам мавжуд. Молиявий ҳисобнинг кўпгина кўрсаткичлари бошқарув ҳамда солиқ ҳисобида ўз ифодасини топади. Молиявий ҳисоб учун умумқабул қилинган тамойиллар бошқарув ва солиқ ҳисобида ҳам амал қилади.
Бошқарув ҳисобининг тезкор маълумотлари молиявий ва солиқ ҳисобида ҳам ишлатилади, чунки бошланЃич ахборотни йиЃиш ягона қоидаларга мувофиқ амалга оширилиши лозим.
Энг муҳим ўхшашлик шундаки, молиявий ҳисобнинг ҳам, бошқарув ҳисобининг ҳам, солиқ ҳисобининг ҳам маълумотларидан корхонанинг бозордаги стратегиясини белгилаш бўйича қарорлар қабул қилишда фойдаланиш мумкин.


Такрорлаш учун саволлар

1. 
   Бухгалтерия ҳисобининг миллий андозаларининг моҳияти нимадан иборат?
   
2. 
   Бухгалтерия ҳисобининг қандай турлари мавжуд?
   
3. 
   Бошқарув ҳисоби, молиявий ҳисоб ва солиқ ҳисобининг ўхшаш ва фарқли томонлари нималардан иборат?