Карданли узатмалар. Бош узатма, дифференциал. Автоматик трансмиссиялар. Автоматик бошқарувнинг тизим ости элементлари. Режа

4.19-расм. Mercedec автомобилининг фаол осмаси
ёрдамида амалга оширилади. Бундай осма ўрнатилганда кўндаланг турғунлик стабилизаторидан воз кечиш мумкин. Қайишқоқ элементлар қаттиқлигини ўзгартириш имконияти кузов оғишини анча камайтиради ва автомобил бошқарилув-чанлиги ва ҳаракат турғунлигига ижобий таъсир кўрсатади.
Тормозлашни динамик назорат қилиш тизимлари
Маълумки АБС ишга тушиши учун ғилдиракларнинг камида биттаси блоки-ровкаланиши керак. Шу билан бирга ҳаракати пайтида ғилдиракларга тушадиган вертикал юкламалар ўзгариб туради. Юклама қанча катта бўлса, ғилдиракдаги тормоз кучи ҳам катта бўлади. Агар юклама қайта тақсимланишини ўз вақтида баҳолаш имконияти яратилса, автомобилни тормозлаш самарадорлиги ошириш ва ҳаракт турғунлигини яхшилаш мумкин. Бунинг учун автомобил вертикал юкламаларнинг ўқлар бўйича ва бортлар бўйича тақсимланишини аниқлайдиган ишончли датчикларга эга бўлиши керак. Ижрочи қурилма сифатида АБС модуляторларидан фойдаланиш мумкин. Бундай тизимлар EBM (Electronik Brake Management- тормозларни электрон бошқариш) ёки DBC ( Dynamic Brake control-тормозларни динамик назорат) тизимлари деб аталади.
Тормоз тизимини такомиллаштиришнинг бошқа йўналиши EBA (Electronic Brake Assist-тормозлашга электрон ёрдам) тизимидан фойдалниш ҳисобланади. EBA тизими илк бора Mercedec автомобилларида қўлланилган, кейин эса бошқа фирмалар ҳам фойдаланила бошлаган. Бу тизим автомобилни фавқулодда тормоз-лашда юқори самарадорликни таъминлайди. Тизим ишга тушиши учун компьютер авариявий тормозлаш тежимини аниқлайди, бунинг учун у бир қатор омилларни таҳлил қилиши керак.
Масалан, BMW автомобилларида бу тизим фақат қуйидаги шартлар бажарилганда фаоллашади:
–бош тормоз тизимидаги босим 3МПА дан юқори бўлиши керак;
–босимнинг ошиб бориши 600МПа/с тезликда юз бериши керак;
–автомобил тезлиги 5км/соат дан катта бўлиши керак;
–автомобил орқага ҳаракатланмаётган бўлиши керак;
–камида битта ғилдирак АБС режимида ишламаётган бўлиши керак.
Шу шартларнинг ҳаммаси бажарилгандагина компьютер фавқулодда тормозлашга буйруқ беради. Ҳайдовчи тормоз педалини қўйиб юбориши билан тизим ишлашдан тўхтайди ёки автомобил тезлиги 5 км/соат га тушади.