Kamoliddin behzod nomidagi milliy rassomlik va dizayn instituti san’atshunoslik va muzeyshunoslik

Bitiruv malakviy ishining maqsadi va vazifalari: Mazkur bitiruv malakaviy ishida rassom Ataxan Allabergenov ijodining asosiy tomonlari va o‘ziga xos badiiy xususiyatlarini mavjud manbalar asosida batafsil yoritish asosiy maqsad sifatida tanlandi. Ushbu maqsadni amalga oshirishda esa quyidagi vazifalar belgilab olindi:
- Mavzuga aloqador bo‘lgan faktologik manba, adabiyotlar, jurnallar va maqolalarni to‘plash, hamda ularni tahlil qilish, ilmiy izlanishlardagi ma’lumotlarni umumlashtirish, yuzaga kelgan fikrlarni jamlash va tizimlashtirish;
- Mustaqillik yillari O‘zbekiston zamonaviy rangtasvir san’atining rivojini yoritish;
- Ataxan Allabergenov ijodining shakllanishi jarayonlarini ochib berish;
- Ijtimoiy jarayonlar kesimida rassom ijodining o‘ziga xos tomonlarini tahlil etish;
- Ataxan Allabergenovning san’at va madaniyatni yuksaltirish borasidagi ijodiy faoliyatini o‘rganish;
- Rassom ijodiy faoliyatini umumiy darajada o‘rganib uni san’atshunoslik nuqtai nazaridan tahlil etish va zamonaviy rangtasvirdagi o‘rnini yoritib berishdan iborat.
Bitiruv malakaviy ishining obyekti va predmeti: O‘zbekiston rangtasvir san’atini rivojlantirishda faoliyat olib borgan rassom Ataxan Allabergenov ijodiy faoliyatining o‘rganilishi va ijodidagi alohida o‘rganilmagan jihatlar ishning obyekti etib belgilab olindi. Rassom tomonidan yaratilgan rangtasvir asarlari, uning o‘ziga xos ijodiy yo‘nalishi, ijod faoliyati davomidagi erishilgan yutuqlarini o‘rganish va tahlil qilish bitiruv malakaviy ishining predmeti sifatida yoritildi.
Tadqiqotning ilmiy ahamiyati: rassom Ataxan Allabergenov ijodiy tomonlarini o‘rganish va boshqa zamondosh rassomlar ijodi bilan tahlil qilishga qaratilgan va o‘ziga xos maktabining shakllanishdagi jarayonlarni tahlil etish.
Bitiruv malakaviy ishining yangiligi: Bir qancha san’atshunoslar tomonidan Ataxan Allabergenov ijodi o‘rganilgan bo‘lsada, ammo rassom Ataxan Allabergenovning ijodiy jarayonlaridagi rangbaranglikni chuqurroq tadqiq etish bitiruv malakaviy ishining yangiligi hisoblanadi.

• 
  Ataxan Allabergenov ijodi ijtimoiy, siyosiy jarayonlar kesimida o‘rganildi;
  
• 
  Ataxan Allabergenovning ijodini zamonaviy rangtasvir san’atida ustunlik qilgan mavzular yoritildi.