Kadrlar tayyorlash milliy dasturi ni amalga oshirish uzluksiz ta’lim tizimining tuzilmasi va mazmunini zamonaviy fan yutuqlari va ijtimoiy tajribaga tayangan holda tub islohotlarni ko’zda tutadi

2-masala. Quyonlarda junning normal uzunligi dominant (B), qisqaligi retsessiv belgi (b) hisoblanadi. Quyidagi genotipga ega organizmlar chatishtirilganda qanday fenotipli organizmlar olinadi.

1. 
   Bb x Bb; b)BB x bb; c) Bb x BB.
   

3-masala. Pomidor mevasining qizil rangi (A) sariq rangi (a) ustidan dominantlik qiladi. Tajribada ota-ona organizmlar qizil rangga ega edi, lekin ular chatishtirilganda ¾ qizil, ¼ sariq pomidor hosil bo’ladi. Ota –onaning va F1 duragaylarning genotipini aniqlang.
4-masala. Odamda qo’yko’zlik dominant, ko’kko’zlik retsessiv belgi. Nikohlangan yigit va qizning biri qo’yko’z ikkinchisi ko’kko’z bo’lsa ular farzandlarining ko’zi qanday rangda bo’ladi.
5-masala. G’o’zaning hosil shohi gomozigota cheklanmagan (S) va cheklangan (s) formalari o’zaro chatishtirildi. F1 va F2 bo’g’inning genotipini va fenotipini aniqlang.
6-masala. Mioplegiya kasalligi (hujayralarda kaliy elementi kamayib ketishi natijasida ro’y beradigan muskul paralichi) dominant belgi sifatida nasldan-naslga o’tadi. Ota shu kasallik bo’yicha geterazigota, ona sog’lom bo’lgan oilada Mioplegiya kasalligi bilan tug’ilish ehtimoli qanday.
7-masala. Odamda kar-soqovlikning ma’lum bir formasini keltirib chiqaruvchi gen normal eshitishni ta’minlovchi genga nisbatan retsessivdir:

1. 
   Geterazigota ota-onadan qanday avlod kutish mumkin?
   
2. 
   Kar-saqov erkak va ayol nikohidan kar bola tug’ildi. Ota-onaning genotipini aniqlang.
   

8-masala. Onasi chapaqay otasi esa o’ng qo’l bilan ishlashga layoqatli bo’lgan qiz, chapaqay yigitga turmushga chiqqan. Bu oilada qanday fenotipga ega bo’lgan bolalarning tug’ilish ehtimolliklari bor? Foizlarda ko’rsating.
9-masala. Odamlarda tilini nay qilib o’ray olish qobiliyati (A) shu qobilyati yoqligi (a) ustidan dominantlik qiladi. Tilini nay qilib o’ray oladigan ikki kishi nikohidan shu qobilyati bo’lmagan bola tug’ildi. Ota-ona genotipini aniqlang.
10-masala.Odamlarda labning qalinligi dominant (A), yupqaligi (a) retsessiv belgi hisoblanadi. Agar qalin labli yigit yupqa labli qizga uylansa, farzandlar labining qalinligi qanday bo’ladi.