Kadrlar tayyorlash milliy dasturi ni amalga oshirish uzluksiz ta’lim tizimining tuzilmasi va mazmunini zamonaviy fan yutuqlari va ijtimoiy tajribaga tayangan holda tub islohotlarni ko’zda tutadi

So’z boshi
“Kadrlar tayyorlash milliy dasturi”ni amalga oshirish uzluksiz ta’lim tizimining tuzilmasi va mazmunini zamonaviy fan yutuqlari va ijtimoiy tajribaga tayangan holda tub islohotlarni ko’zda tutadi. Yosh avlodga ta’lim-tarbiya berishning maqsadi, vazifalari, mazmuni, uslubiy talablariga ko’ra fan, texnika va ilg’or texnologiya yutuqlaridan unumli foydalanish bugungi ta’lim tizimi oldida turgan dolzarb muammolardan biri hisoblanadi.
Ta’limning samaradorligini oshirish, shaxsning ta’lim markazida bo’lishini va yoshlarning mustaqil bilim olishlarini ta’minlash uchun ta’lim muassasalariga yaxshi tayyorgarlik ko’rgan va o’z sohasidagi bilimlarni mustahkam egallashdan tashqari zamonaviy pedagogik texnologiyalarni va interfaol usullarni biladigan, ulardan o’quv va tarbiyaviy mashg’ulotlarni tashkil etishda foydalanish qoidalarini biladigan o’qituvchilar kerak. Buning uchun barcha fan o’qituvchilarini yangi pedagogik texnologiyalar va interfaol usullar bilan qurollantirish va egallagan bilimlarini o’quv–tarbiyaviy mashg’ulotlarda qo’llash malakalarini uzluksiz oshirib borishlari lozim.
Zamonaviy ta’limni tashkil etishga qo’yiladigan muhim talablardan biri ortiqcha ruhiy va jismoniy kuch sarf etmay, qisqa vaqt ichida yuksak natijalarga erishishdir. Qisqa vaqt ichida muayyan nazariy bilimlarni o’quvchilarga etkazib berish, ularda ma’lum faoliyat yuzasidan ko’nikma va malakalarni hosil qilish. Bu muhim vazifani amalga oshirish umumta’lim muassasalarida o’qitishning an’anaviy metodlarini ilg’or pedagogik texnologiyalar bilan qo’shib olib borishni taqazo etadi.
O’zbekistonda Kadrlar tayyorlashning Milliy dasturida ta’lim-tarbiyani tubdan isloh qilish ilg’or pedagogik texnologiyalarni joriy etish; “Ta’lim berishning ilg’or pedagogik texnologiyalarini, zamonaviy o’quv-uslubiy majmualari yaratish va o’quv-tarbiya jarayonini didaktik jihatdan ta’minlash”ga bog’liqligi ko’rsatiladi.
Ushbu metodik qo’llanmada biologiya fani o’qituvchilarini dars mashg’ulotlarida vaqtddan unumli foydalanishda, masala ishlash texnikasi va ko’nikmasini hosil qilish uchun nazariy ma’lumotlar va namunaviy masalalar hamda o’z ustida ishlash uchun masalalar ham kiritilgan.