Кадрлар сиёсати ва кадрлар менежменти стратегияси

КАДРЛАР СИЁСАТИ ВА КАДРЛАР МЕНЕЖМЕНТИ СТРАТЕГИЯСИ


3.1. Корхонада кадрлар сиёсатининг асослари

Ташкилот ишларининг тажрибасини ҳамда маҳаллий ва хорижий мутахассисларнинг баҳолашларини умумлаштириш шуни кўрсатдики, кейинги 10-15 йилларда бошқарув муаммолари асосан кадрлар билан ишлаш соҳасида вужудга келади. Корхона доирасида кадрлар менежменти унинг хўжалик сиёсатининг ажралмас қисми бўлиб, стратегик ва оператив жиҳатларга эга. Кадрлар менежментини ташкил этиш корхонанинг ривожланиш концепцияси асосида шаклланади. У 3 та қисмдан иборат:

1. 
   Корхонанинг ишлаб чиқариш сиёсати.
   
2. 
   Молиявий-иқтисодий сиёсати.
   
3. 
   Кадрлар сиёсати.
   

Кадрлар сиёсати корхонанинг уни ўраб турган муҳит (меҳнат бозори, давлат органлари билан ўзаро муносабатлари ва бошқалар) ва ўзининг ходимлари (бошқаришда иштироки, раҳбарлик қилиш услуби, касбий таълим тизимини такомиллаштириш, ижтимоий масалалар ва ҳ.к.) билан муносабатларига оид мақсадларни аниқлайди. Кадрлар сиёсати стратегик ва оператив бошқарув тизимлари билан амалга оширилади. Кадрлар стратегиясининг вазифаси – корхонанинг нуфузини ошириш, корхонанинг ички муҳитини тадқиқ этиш, мазкур ҳудудда меҳнат салоҳиятини ривожлантириш истиқболларини таҳлил қилиш, ишдан бўшаш ҳолатларини умумлаштириш ва унинг сабабларини олдини олишдан иборат.
Корхонанинг кадрлар стратегиясини ишлаб чиқишнинг таркибий қисмлари қуйидагилар ҳисобланади:

• 
  кадрларга бўлган эҳтиёжларни режалаштириш – ташкилий таҳлили, мавжуд лавозимларни таҳлил қилиш, янги лавозимларга эҳтиёж ва сифатли кадрлар хизматини режалаштириш, лавозимларни баҳолаш, ходимлар штатини тўлдириш;
  
• 
  ўқитиш ва малака ошириш – умумтаълим ва касб-ҳунар даражасини ошириш, жойларда ишлаш жараёнида ўқитиш, лавозимлар бўйича ротация (алмашиш), хорижга хизмат сафарига юбориш, тажриба алмашиш, мустақил таълим олиш ва бошқалар;
  
• 
  тартибга солиш тизими – мақсадга йўналтирилган раҳбарлик қилиш, ходимларнинг имкониятлари (қобилиятлар)ни баҳолаш, мерос бўлиб ўтишни режалаштириш (ишчилар сулоласи), хизмат бўйича ўсишни режалаштириш ва бошқалар;
  
•