К. М. Рафиков – Ўзбекистон касаба уюшмалари Федерацияси раиси

“ҳудудий-иқтисодий мутаносиблик”
номини олди. 
Аслида миграциянинг янги классик назарияси асосан ички 
миграцияни, биринчи навбатда қишлоқдан шаҳарга миграцияни изоҳлаган. 
Америкалик иқтисодчилар М.Тодаро ва Ж.Харрис ривожланаётган 
мамлакатларда шаҳарларда ишсизлик даражаси юқори бўлишига 
қарамасдан бу ерга қишлоқ аҳолисининг миграцияси сабабларига аниқлик 
киритадиган мантиқий модель яратди. Улар шаҳар билан қишлоқда иш 
ҳақи ўртасида фарқ сақланиб турар экан, қишлоқдаги меҳнат ресурслари 
ишсизлар сафидан ўрин олишлари мумкинлиги эҳтимолига қарамасдан 
шаҳарга ишлаш учун келишни давом эттиришлари сабабини асослади. 
“Шахсий танлов” микроиқтисодий модели
номини олган ушбу 
концепцияда алоҳида оқил шахслар иш жойини ўзгартиришнинг фойдаси 
ва зарарини таҳлил қилишга асосланиб, бу ҳақда қарор қабул қилишлари 
мумкин. Бунда меҳнат ресурсларининг халқаро мобиллигига инсон 
капиталига инвестициянинг бир шакли сифатида қаралади. 

---

322 
Даромад паст бўлган мамлакатларда малакали ва малакасиз ходимлар 
меҳнатга тўланадиган иш ҳақлари ўртасидаги фарқ 20,0% ни ташкил этиши 
мумкин. Даромадлар юқори даражада бўлган давлатларда эса, ана шу 
тафовут бир–биридан 10–30 маротаба ортиқ бўлиши кузатилмоқда. Шу 
билан бирга меҳнат ресурслари мобиллиги билим даражаси юқори 
бўлганлар учун кўпроқ манфаат келтиради. Чунки улар, одатда, янги иш 
жойидаги ходимларга кўра юқорироқ таълим даражасига эга бўладилар. 
Кейинчалик ички меҳнат миграциясининг иш ҳақи ўртасидаги 
тафовут, қишлоқ меҳнат мигрантларининг шаҳарда ишсизлар сафидан 
ўрин олиши хавфига бошқа ҳудудга бориш ва янги жойда ўрнашиш учун 
харажатлар, оиласидан, одатий ижтимоий муҳитдан узилиб қолиш каби 
омиллар ҳам қўшилиб, уларни халқаро меҳнат миграциясига нисбатан ҳам 
қўллаш мумкин бўлиб қолди.