Jurnaldan ko‘chirib bosilgan maqolalar «Til va ada biyot ta’limi»dan olindi, deb izohlanishi shart

Komila RAJABOVA, 
Navoiy shahar 11-davlat 
ixtisoslashtirilgan umumta’lim maktabining 
ona tili va adabiyot fani o‘qituvchisi, 
Xalq ta’limi a’lochisi
“SENING MEHRING BILAN YASHAYMIZ, VATAN!”
(7 – 9- sinfl ar uchun Mustaqillik darsi ssenariysi)
Mustaqillik biz uchun nafaqat iqtisodiy imkoniyat-
lar, balki ma’naviy tiklanish imkoniyatini ham berdi. Biz 
mustaqil davlat sifatida o‘zimizning ichki va tashqi si-
yosatimizni belgilab oldik. Mustaqillik tufayli qadriyatla-
rimiz tiklandi, sayqal topdi. O‘z ona tilimiz, qomusimiz, 
gerbimiz, bayrog‘imiz, madhiyamiz, valyutamiz va milliy 
armiyamizga ega bo‘ldik.
Aziz o‘quvchilar! Hozir e’tiborimizni ushbu video-
lavhaga qaratib, istiqlol tufayli jonajon O‘zbekistonimiz 
tanib bo‘lmas darajada o‘zgarib borayotganiga yana 
bir bor amin bo‘lsak-da, dillarni to‘lqinlantirayotgan 
tuyg‘ularimizni tillarga ko‘chirsak, nima deysiz? 
(Monitor orqali ona yurtimizning go‘zal shahar va 
qishloqlari, maftunkor tabiati, namunali uy-joylari, 
muqaddas qadamjolari, yangi ishlab chiqarish korxo-
nalari, tanti dehqonlari, turli kasb sohiblari, duoga qo‘l 
ochgan keksalari-yu zafarlarni quchayotgan yoshlari 
namoyish etiladi.)
1-o‘quvchi: 
Vatan! Sen mening tug‘ilib-o‘sgan 
qishlog‘im, ona zaminim, bor mehrini ulashgan onam,
ko‘ksimdagi iftixorimsan! 
2-o‘quvchi: 
Vatan! Sen mening dunyoni titratgan 
Temurim, jahonga dong‘i ketgan Boburim, ko‘ngil ola-
mimni yoritguvchi nurim, tog‘lardan-da baland g‘ururim-
san. 
3-o‘quvchi: 
Vatan! Seni yana nima deb atay, kimim 
deb sevay? Sen borsanki, o‘zbegim bor, sen borsanki, 
o‘zligim bor. Sening bugungi tinch kuning bizning kela-
jagimiz, bugungi ravnaqing
 
bizning istiqbolimizdir.
4-o‘quvchi: 
Biz shunday farzand bo‘lib kamolga ye-
taylikki, toki Vatanimiz bizdan rozi bo‘lsin, bizday yosh-
lari borligidan faxrlansin!