Jurnal 1918-yil dekabr oyidan chiqa boshlagan

“XALQ TA’LIMI” ilmiy-metodik jurnali.
2020. № 5.
www.xtjurnali.zn.uz
Yillik malaka oshirish o‘quvlarini yakunlash va malaka oshirish bo‘yicha shaxsiy 
o‘quv rejasini muvaffaqiyatli bajargan xodimlarga sertifikatlarni taqdim etish.
Bunda:
– malaka oshirish bo‘yicha shaxsiy o‘quv rejasidagi barcha o‘quv modullarini mu
-
vaffaqqiyatli o‘zlashtirgan xodimlar bilim, ko‘nikma va kompetensiyalarini yakuniy na
-
zoratini tashkil qilish va tegishli kreditlarni taqdim etish;
– bir yoki bir-necha o‘quv modullarini o‘zlashtirolmagan yoki yakuniy nazoratda 
ijobiy baholanmagan xodimlarga yil davomida o‘zlashtirish va topshirish imkoniyatini 
berish.
– shaxsiy malaka oshirish rejasini bajarib, yakuniy nazoratda ijobiy baholangan 
xodimlarga yillik malaka oshirish o‘quvlarini muvafaqqiyatli tugatgani haqida sertifikat
-
ni rasmiylashtirish.
Ta’lim muassasasi rahbarlarining yuqorida keltirilgan kompetensiyaviy yondashuv 
va ehtiyojlarga asoslangan kasbiy rivojlantirish modeliga o‘xshash modellar qator 
tadqiqotchilar tomonidan ham o‘rganilgan (foydalanilgan adabiyotlarda keltirilgan).
Yuqorida bayon etilgan ehtiyojlarga va modul-kredit tizimiga asoslangan uzluksiz 
malaka oshirish shaxsiy (individual) rivojlanish grafigi(trayektoriyasi)ga binoan tashkil 
etilgani sababli uni faqat axborot-kommunkatsiya texnologiyalari vositasida samarali 
boshqarish mumkin bo‘ladi. Shuning uchun ham “Uzluksiz kasbiy ta’lim” maxsus elekt
-
ron platformasini ishlab chiqish va amaliyotga joriy etish taklif qilinadi.
Mazkur elektron platformaning joriy etilishi xodimlarning uzluksiz ta’limini tashkil 
qilish, yil davomida uning monitoringini amalga oshirish va natijalarni baholash ishlarini 
avtomatlashtirilgan tarzda yo‘lga qo‘yish imkoniyatini beradi.
“Uzluksiz kasbiy ta’lim” maxsus elektron platformasini ishlab chiqilishi maktab 
direktorlarining ehtiyojlariga asoslangan malaka oshirishini tashkil etish mexanizmini 
ularga o‘z kompetentligi darajasini diagnostika qilish natijasida aniqlangan ehtiyojla
-
ridan kelib chiqib o‘quv modullarini va o‘qish muddatlarini tanlash asosida individual 
malaka oshirish trayektoriyasini shakllantirish imkoniyatini taqdim etish orqali takomil
-
lashtirilishini ta’minlaydi.