Жонингизга жон бўлай жонимга дармоним отам. Камтарин пиру бадавлат шавкатим шоним отам

25. Эл билса бўлди
Дилимнинг рангини гул билса бўлди, {х2}
Менинг кимлигимни эл билса бўлди.

Олис юлдузларга сирим айтмарам,

Нолишимни тонгги ел билса бўлди. {х2}

Учарга ҳар қушдан пар сўрамадим, {х2}

Парвозлар ҳадисин дил билса бўлди.

Жаҳолат меҳробин қошин ўпмадим, {х2}

Ўшал бағритошим тил билса бўлди.

Дилимнинг рангини гул билса бўлди, {х2}

Менинг кимлигимни эл билса бўлди.

Олис юлдузларга сирим айтмарам,

Нолишимни тонгги ел билса бўлди. {х2}

Дилимнинг рангини гул билса бўлди,

Менинг кимлигимни эл билса бўлди.
26. Инсон ўзинг
Собити сайёрада
Инсон ўзинг, инсон ўзинг.
Мулки олам ичра бир
Хоқон ўзинг, султон ўзинг. {х2}

Собит ўз маъвосида,

Сайёр фазо дунёсида,
Коинот саҳросида
Карвон ўзинг, сарбон ўзинг.

Коинот саҳросида

Карвон ўзинг, сарбон ўзинг.

Шамс чун нақдингдадур,

Сайёралар кафтингдадур,
Кенг жақон забтингдадур,
Боғбон ўзинг, посбон ўзинг.

Бу ёруғ дунё надур,

Кошонадур, вайронадур,
Сенга меҳмонхонадур,
Меҳмон ўзинг, мезбон ўзинг.

Собити сайёрада

Инсон ўзинг, инсон ўзинг.

Марсга ҳам учгувчи сен,

Зуҳрони уйғотгувчи сен,
Уйқуда қотгувчи сен,
Уйғон ўзинг, уйғон ўзинг.

Бунда оқ бирла қаро,

Зулмат зиё, шоҳу гадо,
Жанг қилурлар доимо,
Ул ён ўзинг, бул ён ўзинг.

Хормисан ё гулмисан,

Тождормисан ё қулмисан,
Ҳутмисан, булбулмисан,
Нолон ўзинг, хушҳон ўзинг.

Бу ҳаёт ўрмон экан,

Жон борки қасди жон экан,
Бунда қатл осон экан,
Сиртлон ўзинг, жайрон ўзинг.

Машъали фикрат сени,

Ҳам чангали ваҳшат сени,
Ғайрату ғафлат сени,
Жавлон ўзинг, улён ўзинг.

Миндинг илм дарвозига,

Чиқдинг нужум осмонига,
Бу жаҳон айвонига
Aркон ўзинг, вайрон ўзинг.

Заррани ижод этиб,

Даҳшат бало бунёд этиб,
Aтомни ижод этиб,
Даҳшат бало бунёд этиб,
Оқибатни ёд этиб,
Ҳайрон ўзинг, ҳайрон ўзинг.

Сен ҳилол юлдуз сари

Таврот, Забурдан юксалиб,
Боймисан ёки ғариб,
Камрон ўзинг, яксон ўзинг.

Ким фарангу ким ҳабаш,

Ирқ, қон талаш, иймон талаш,
Шулму инсондек яшаш,
Aрмон ўзинг, афғон ўзинг.

Мамлакатга мамлакат,

Миллатга миллат бўлса қасд,
Қилғучи сўнг оқибат,
Aрмон ўзинг, армон ўзинг.

Онаизоринг замин,

Танҳо йўғу боринг замин,
Хаста беморинг замин,
Ўғлон ўзинг, дармон ўзинг.

Бағрида ётқувчи сен,

Неъматларин тотгувчи сен,
Тиғ бўлиб ботгувчи сен,
Пайкон ўзинг, қалқон ўзинг.

Келдинг оламга демак,

Етмас уни сўрмак, емак,
Ерни этмоғинг керак
Бўстон ўзинг, ризвон ўзинг.

Сўзга ҳам поён бўлур,

Ёзсам яна достон бўлур,
Рустами достон бўлур,
Достон ўзинг, девон ўзинг.

Бўлмасин субҳинг қаро,

Бор бўл мудом борлиқ аро,
Ўзни этгил доимо
Инсон ўзинг, инсон ўзинг,

Эй сен Эркин, сен бугун

Ёздинг дилингдан бир тугун,
Сен киму не даҳри дун,
Бийрон ўзинг, нодон ўзинг.