Жонингизга жон бўлай жонимга дармоним отам. Камтарин пиру бадавлат шавкатим шоним отам

36. Муҳтож қилмагин
Фоний дунё, сендан тилагим шудир – {х2}
Мардингни номардга муҳтож қилмагин.
Хазинангдан бергил банданг ризқига,
Сен мардни номардга-ей муҳтож қилмагин. {х2}

Номард кўпригидан ўлсам ўтмасман,

Карвон бўлсам, маконига қўнмасман,
Қўлидан бир пиёла чойин ичмасман,
Ўнг қўлни чап қўлга муҳтож қилмагин.

Эй Раҳийм, сенинг караминг зўрдир,

Таъналик сўз негизи ханжар ҳам ўқдир.
Уканинг акага вафоси оздир,
Aкани укага муҳтож қилмагин.

Мезбоннинг меҳмонга вафоси кўпдир,

Меҳмонни мезбонга муҳтож қилмагин.

Шоир Мурод дерлар сўзни айтганни,

Ўнта номард боқолмасмиш битта отани.
Битта ота боқар эмиш юзта болани,
Отани ўғилга муҳтож қилмагин.
Битта ота боқар эмиш юзта болани,
Отани ўғилга-ей муҳтож қилмагин.
Мардингни номардга муҳтож қилмагин,
Эркакни аёлга муҳтож қилмагин, вояй.
37. Дилбар қўлида сози
Дилбар қўлида сози,
Ҳар пардасида нози,
Ноз узра ишқ рози,
Кўзи хумор куйлар,
Чертиб дутор куйлар.

Куйлар кўнгил хуморин,

Ҳам санъатин, баҳорин,
Aйтиб кўнгилда борин,
Гулюзнигор куйлар,
Чертиб дутор куйлар.

Aтлас либоси гулгун,

Ҳам қошиёси гулгун, (х2)
Нозу адоси гулгун,
Мастонавор куйлар,
Чертиб дутор куйлар.

Оҳанги дилга монанд,

Жон пардасига пайванд,
У борини этиб банд,
Мастонавор куйлар,
Чертиб дутор куйлар.

Бахтин этиб тарона,

Куйлайди ёна-ёна,
Шу дилрабо замона,
Яҳёга ёр куйлар,
Кўзи хумор куйлар,
Чертиб дутор куйлар.

Мастонавор куйлар,

Гулюзнигор куйлар,
Кўзи хумор куйлар,
Ёрига зор куйлар.

38. Излангиз

Излаганлар, бизни саҳрои балодан излангиз, {х2}
Водийи ҳижрон ила дашти балодан излангиз.

Вомиқу, Фарҳод, Мажнундеклар ул водий аро

Бўлсалар пайдо, мени ҳам ул ародан излангиз.

Нуқта янглиғким, вафо {х2} узра қилур котиб рақам,

Ишқ ўтининг доғини аҳли вафодан излангиз.

Нуқта янглиғким, вафо узра қилур котиб рақам,

Ишқ ўтининг доғини аҳли вафодан излангиз.

Оғзи шавқидин Навоий этти, они излар эл,

Ё Aдам даштида ё мулки фанодан излангиз.

Ё Aдам даштида ё мулки фанодан излангиз. {х2}

Ё Aдам даштида ё мулки фанодан излангиз… {х2}