Jobasi: Kirisiw

Dara ha’m ja’mlewshi zatli’q atli’qlar. Birgelikli predmetlerdin’ birinin’ atamasi’ si’pati’nda qollani’latug’i’n g’alabali’q atli’qlar dara atli’qlar dep ataldi’. Bunday atli’qlardi’n’ dara yekenligi woni’ ani’qlaytug’i’n so’zler arqali’ bildiredi: Men woqi’g’an kitap, birinshi ko’she.

Ja’mlewshi atli’qlar. Birgelikli predmetlerdin’ topari’n ji’yi’nti’g’i’n bildiredi. Bul jag’i’nan wolar ko’plik sandag’i’ atli’qlarg’a uqsaydi’, biraq wolar menen birdey yemes. Ko’plik sandag’i’ atliq sanawg’a bolatug’i’n, biri birinen bo’lek predmetlerdi toplap ko’rsetedi: qa’lemler (yeki qa’lem). Ja’mlewshi atli’qlar birgelkili ko’p predmetlerdi bir pu’tin si’pati’nda bildiredi: adamzat, mal-mu’lik, haywanat.

G’alabali’q atli’qlar ishinde zatli’q atli’qlar ayri’qsha topardi’ quraydi’. Wolar sostavi’, du’zilisi jag’i’nan birgelikli, biraq ayri’m bo’leklerge bo’linetug’i’n predmetlardi bildired: Zatli’q atlarg’a azi’q-awqat atamalari’ (temir, ko’mir), awi’l xojali’q yeginlerinin’ atamalari’ (biyday, arpa, ju’weri), har qi’yli’ materiallardi’n’ atamalari’ (cement, sabi’n) h.t.b kiredi.