Jobası: Kirisiw I bap

Kurs jumısınıń ilimiy hám ámeliy áhmiyeti: Jumısta «Yusıp-Ziliyxa»dástanı hám onıń izertleniwi, ideya-tematikalıq hám janrlıq ózgesheligi haqqında bir qansha maǵlıwmatlar keltirildi. Izertlewde toplanǵan teoriyalıq juwmaqlar hám keltirilgen mısallar qaraqalpaq ádebiyattanıw iliminde házirge shekem bar bolǵan ilimiy túsiniklerdi tolıqtırıw, referat hám óz betinshe jumısların jazıwda teoriyalıq derek bolıp, olarǵa ele de keńirek túsinik beriw múmkin.
«Yusıp-Ziliyxa»dástanın ádebiyattanıw toriyası kózqarasınan izertlew dáslep Fitrat tárepinen baslanǵan bolsa, keyingi dáwirlerde ózbek ádebiyatında O. Sharofıddinov, S. Husayn, Aybek, E. Bertels, A. Sadiy, V. Abdullaev, Y. Zohidov, O. Sultonov, P. Shamsiev, H. Zaripov, Ǵ. Karimov, H. Yoqubov, H. Zunnunov, A. Suyunov, A. Akromov hám basqa da alımlar tárepinen dawam ettirildi. Shıǵıs ádebiyatı óziniń oǵada bay miyrasına iye ekenligin biz usınnan-aq bayqawımızǵa boladı. ³
Jumıstıń teoriyalıq hám metodologiyalıq negizi: Kurs jumısın jazıw barısında Prezidentimiz Sh. Mirziyoevtiń ádebiyat haqqındaǵı progressiv pikirleri basshılıqqa alındı.
Biz izertlewde teoriyalıq hám metodologiyalıq tiykar retinde Q. Ayımbetovtıń “Xalıq danalıǵı” (Nókis., Qaraqalpaqstan, 1978), Q. Maqsetovtıń “Qaraqalpaq folklorınıń estetikası” (Nókis, Qaraqalpaqstan, 1971), Q. Járimbetov, Q. Orazımbetov “Qaraqalpaq ádebiyatı” (Nókis, Bilim, 2006), Á. Alımov “Qaraqalpaq liro-epikalıq dástanları” (Nókis, Qaraqalpaqstan, 1983), ) S. Axmetov, S. Bahadirova “Folklorlıq terminlerdiń qısqasha sózligi” (Nókis, Bilim, 1992), sonday-aq kurs jumısımızdı jazıwda dástan tuwralı maǵlıwmatlardı tolıqtırıwda D. Mansurovanıń ““Yusuf va Zulayho” dostonida an’ana va o’ziga xoslik” (Samarqand. O’zbekiston. 2016), R. Hakimjonova “Yozuvchining “poetik tush”i” (Folklor Akademi Dergisi, 2018) sıyaqlı taǵı da basqa bir qatar ilimpazlardıń tallap kórsetken ilimiy-teoriyalıq pikirlerinen paydalandıq.
Jumıstıń izertlew obyekti hám predmeti: Kurs jumısınıń izertlew obyekti sıpatında «Yusıp-Ziliyxa»dástanın alǵan bolsaq, kurs jumısınıń predmeti etip dástandaǵı ideya, obrazlar hám dástannıń bir qatar versiyaları tańlap alındı.