Jizzax politexnika instituti yer usti transport tizimlari kafedrasi

3. Yo‘l harakati xavfsizligi boshqarmalarining yo‘l nazorati bo‘limi faoliyatini tashkil etish

Davlat yo‘l harakati xavfsizligi xizmatining (keyingi matnlarda DYHXX) yo‘l nazorati bo‘lim(bo‘linma)lari faoliyati transport vositalari va piyodalarning harakatlanish xavfsizligini ta’minlash, yo‘llarda, sun’iy inshootlarda va temir yo‘l kesishmalarida ularning o‘tkazish imkoniyatlarini oshirishga, shu orkali yo‘l-transport hodisalarining oldini olishga qaratilgandir.

DYHXX yo‘l nazorati bo‘lim(bo‘linma)lari o‘zining faoliyatini O‘zbekiston Respublikasi Konstitutsiyasi, Qonunlari, O‘zbekiston Respublikasi Prezidentining Farmon va Farmoyishlari, O‘zbekiston Respublikasi Vazirlar Mahkamasining Qaror va Farmoyishlari, O‘zbekiston Respublikasi Ichki ishlar vazirliginiig me’yoriy-huquqiy hujjatlari asosida tashkil qiladi.

DYHXX yo‘l nazorati bo‘lim (bo‘linma)lari yo‘l-kommunal xo‘jaligi, temir yo‘l, avtomobil transporti va boshqa dahldor tashkilotlar bilan birgalikda transport vositalarining va piyodalarning harakatlanishdagi xavfsizligini ta’minlash, yo‘llarda, sun’iy inshootlarda va temir yo‘l kesishmalarida ularning harakatlanish imkoniyatlarini oshirish bo‘yicha tegishli chora - tadbirlarni amalga oshiradilar.

DYHXX yo‘l nazorati bo‘lim (bo‘linma) larining mansabdor xodimlari o‘z zimmalariga yuklatilgan vazifalarni bajarmagan-liklari va o‘zlariga berilgan vakolat doirasidan chetga chiqqanlik-lari uchun qonun bilan belgilangan tartibda javobgar bo‘ladilar.