Jizzax politexnika instituti yer usti transport tizimlari kafedrasi

Markaziy dispetcherlik xizmati (MDX) boshqarmasida boshqarish tizimida alohida o‘ringa ega bo‘lib, markaziy boshqaruv pulti, navbatchi naryad, YPX divizionlari mas’uliyatlari belgilangan sektorlardagi filiallarni, shuningdek axborot-kompyuter markazini o‘z ichiga oladi hamda bu erda butun avtomobil xo‘jaligi bo‘yicha axborot ma’lumotlari, transport vositalari, ularning egalari, haydovchilari to‘g‘risidagi va boshqa tezkor-axborot ma’lumotlari saqlanadi.

Mobil guruh biriktirilgan hududda:

- qoidabuzarliklarning oldini olish va bartaraf etish, yo‘l harakati qoidasini buzuvchilarni aniqlash, olib qochilgan transport vositalarini tutish vazifalarini amalga oshiradi;

- yo‘l-transport hodisalari to‘g‘risida MDX filiallariga xabar qiladi va zarur choralarni ko‘radi;

- YPX guruhlari, militsiya tayanch punktlari, profilaktika xizmatlari va harbiy bo‘linmalar bilan maxsus reja asosida hamkorlik qiladi.

Vertolyotda patrullik qilish guruhi yo‘l harakati ustidan havoda nazorat olib borish uchun mo‘ljallangan. Transport vositasini olib qochganlarni, xavfli jinoyat sodir qilganlarni qo‘lga olish vaqtida va qo‘poruvchi-terrorchi guruhlarni yo‘q qilishda YPXning mobil guruhlariga hamda YPX guruhlariga shoshilinch yordam ko‘rsatishi kerak.