Тадқиқотнинг амалий натижалари қуйидагилардан иборат:
техника олий таълим муассасаларида инглиз тилини ўқитиш жараёнида бўлажак профессионал таьлим ўқитувчиларининг хорижий тилларни билиш компетентлигини ривожлантиришнинг методик модели ишлаб чиқилган;
талабаларнинг хорижий тилларни билиш компетентлигини ривожлантиришга қаратилган “Амалий инглиз тили” ўқув қўлланмаси ишлаб чиқилган ва таълим жараёнига жорий этилган;
инглиз тилини касбий фаолиятга йўналтириб ўқитишга қаратилган “техник терминлар луғати” мобил иловаси тўплами яратилган;
CDIO (Conceive, Design, Implement, Operate) орқали тил билиш компетентлигини ривожлантириш жараёни лойиҳаси ҳамда CPL, Стивен Крашен методларини қўллаш орқали инглиз тилини касбий фаолиятга йўналтириб ўқитиш методикаси ишлаб чиқилган ва амалиётга жорий қилинган.
Тадқиқот натижаларининг ишончлилиги қўлланилган ёндашув, методлар ва назарий маълумотларнинг расмий манбалардан олинганлиги, муаммога фалсафий, педагогик-психологик ёндашувлар ҳамда республика ва халқаро илмий-амалий анжуман материаллари тўпламлари, ОАК эътироф этган махсус ва хорижий журналларда чоп қилинган мақолалар, келтирилган тахлиллар ва тажриба синов ишлари самарадорлигининг математик статистика методлари воситасида асосланганлиги, хулоса, таклиф ва тавсияларнинг амалиётда жорий этилганлиги, олинган натижаларнинг ваколатли тузилмалар томонидан тасдиқланганлиги билан изоҳланади.
Тадқиқот натижаларининг илмий ва амалий аҳамияти. Ўтказилган тадқиқотнинг илмий аҳамияти бўлажак профессионал таьлим ўқитувчиларининг хорижий тилларни билиш компетентлигини ривожлантиришнинг концептуал моделига асосланган методик модели узлуксизлик, табақалаштирилган, ижтимоий аниқланган мақсадларни (мақсадли, мазмунли, жараёний, диагностик ва натижавий)дан фойдаланган ҳолда ишлаб чиқилганлиги, бўлажак профессионал таьлим ўқитувчиларининг хорижий тилларни билиш компетентлигини ривожлантириш методикаси такомиллаштирилганлиги билан изоҳланади.
Тадқиқотнинг амалий аҳамияти бўлажак профессионал таьлим ўқитувчиларининг хорижий тилларни билиш компетентлигини ривожлантириш методикасини ишлаб чиқилганлиги, техника олий таълим муассасалари учун “Амалий инглиз тили” номли ўқув қўлланма ишлаб чиқилганлиги, инглиз тилини ўқитишда ўйинлар, тренинглар, турли хил вазиятларда муаммоларни ҳал этишда лойиҳавий топшириқлар ишлаб чиқиш орқали хорижий тилларни билиш компетентлигини ривожланганлик даражалари ва мезон кўрсаткичлари аниқланганлиги билан белгиланади. Тадқиқот жараёнида ишлаб чиқилган асосий таклиф ва тавсиялардан техника олий таълим муассасалари талабаларининг касбий фаолиятга бўлган қизиқишларини, “хорижий тил” фанидан таълим бериш сифати ва самарадорлигини оширишда ҳамда мамлакатимизга юқори малакали профессионал таьлим ўқитувчиларини етказиб беришда фойдаланиш мумкин.
Do'stlaringiz bilan baham: |