Жиззах политехника институти рахимов адхам барат ўҒЛИ

Тадқиқотнинг республика фан ва технологиялари ривожланиши-нинг устувор йўналишларига мослиги. Мазкур тадқиқот иши республика фан ва технологияларни ривожлантиришнинг«Ахборотлашган жамият ва демократик давлатни ижтимоий, ҳуқуқий, иқтисодий, маданий, маънавий-маърифий ривожлантиришда, инновацион ғоялар тизимини шакллантириш ва уларни амалга ошириш йўллари» устувор йўналишига мувофиқ бажарилган.
Муаммонинг ўрганилганлик даражаси. Мамлакатимизда олий таълим муассаларида таълим жараёнида бўлажак мутахассисларни касбий фаолиятини ривожлантириш масаласига доир муаммолар Р.Ҳ.Джураев, Ш.Э.Қурбанов, А.Р.Ходжабаев, Қ.Т.Олимов, Ж.А.Хамидов, О.Х.Тўрақулов томонидан ўрганилган бўлса, касбий таълимида бўлажак мутахассисларда компетенцияларни ривожлантириш масалалари бўйича Н.А.Муслимов, Д.О.Ҳимматалиев, О.А.Қўйсинов, Ж.Турматов, А.Р.Жураев томонидан тадқиқот ишлари олиб борилган.
Хорижий тилларини ўқитишнинг педагогик хусусиятлари, ахборот-коммуникацион технологиялар асосида хорижий тилни ўқитиш муаммолари Ж.Ж.Жалолов, Ф.М.Рашидова, К.Дж.Рискулова, Я.Т.Умарова, А.Р.Гайфутдинова, С.С.Авганов, ўқитувчилар ижодийлиги, хорижий тилни ўқитиш асослари Е.В.Ермолаева, С.Н.Алиев, хорижий тил воситасида талабаларда маънавий қадриятларни шакллантириш, тил маданияти М.В.Топоркова, Н.Н.Мукимоваларнинг илмий тадқиқотларида ўз аксини топган.
Хорижий тилларни билиш компетентлигини шакллантиришнинг назарий ва амалий асослари Е.Д.Божович, Е.А.Быстрова, Е.М.Верешагина, И.А.Зимняя, Л.А.Петровский ва бошқаларнинг тадиқотларида кўриб чиқилган. Ушбу тадқиқотларнинг деярли кўпчилиги О.В.Гордиенко, Т.М.Воителевлар хорижий тилларни билиш компетентлигига талабанинг касбий тайёргарлиги элементи сифатида қараган.
Олий таълим муассасаларида хорижий тилни ўқитиш орқали талабаларнинг хорижий тилларни билиш компетентлигини ривожлантириш бўйича хорижий олимлардан Ричард Жак С, Вилд С, Ваница, A, Шулзе Ҳелинг Л, Сандефур Ж.T, A.Л. Роберт A.Р, Балан С ва бошқалар илмий-тадқиқотлар олиб боришган.
Педагогик, психологик, фалсафий ва илмий адабиётлар, илмий-тадқиқот ишларини ўрганиб таҳлил қилиш шуни кўрсатадики, хорижий тилдан таълим сифати ва самарадорлигини ошириш бўйича салмоқли ишлар амалга оширилган, лекин бўлажак профессионал таьлим ўқитувчиларининг хорижий тилларни билиш компетентлигини ривожлантиришнинг услубий-дидактик таъминотини ривожлантиришга, хорижий тилларни ўқитиш методикасини такомиллаштиришга эътибор қаратилмаган, таклиф ва тавсиялар ишлаб чиқилмаган.
Диссертация ишининг илмий-тадқиқот ишлари режалари билан боғлиқлиги. Диссeртaция тaдқиқoти Жиззaх пoлитeхникa институтининг
OТ-Ф1-049 “Тaлaбaлaрдa aссeртив хулқни шaкллaнтиришнинг ижтимoий-психoлoгик хусусиятлaри” (2017-2021) йй. мавзусидаги илмий тадқиқот иши доирасида бажарилган.