Жиззах политехника институти рахимов адхам барат ўҒЛИ

Тадқиқот натижаларининг жорий қилиниши. Бўлажак профессионал таьлим ўқитувчиларининг хорижий тилларни билиш компетентлигини ривожлантириш методикасини такомиллаштириш юзасидан ишлаб чиқилган услубий ва амалий таклифлар асосида:
техника олий таълим муассасаларида хорижий тилни ўқитиш жараёнида бўлажак профессионал таьлим ўқитувчиларининг хорижий тилларни билиш компетентлигини ривожлантиришга қаратилган таклиф ва тавсияларидан Олий ва ўрта махсус таълим вазирлиги Жиззах политехника институтининг ОТ-Ф1-049 “Талабаларда ассертив хулқни шакллантиришнинг ижтимоий-психологик хусусиятлари” (2017-2021 йй.) грант лойиҳасини бажаришда фойдаланилган (Жиззах политехника институтининг 2022 йил 18-январдаги 02-079 сонли маълумотномаси). Мазкур тавсиялар талабаларда шахсга йўналтирилган ёндашув асосида ижтимоий-лингвистик компетенцияларни ривожлантиришга хизмат қилган;
Бўлажак профессионал таьлим ўқитувчиларининг хорижий тилларни билиш компетентлигини ривожлантиришга қаратилган “Амалий инглиз тили” номли ўқув қўлланма ишлаб чиқилган ва Жиззах политехника институти, Тошкент давлат техника университети, Бухоро табиий ресурсларни бошқариш институтида таълим жараёнига татбиқ қилинган (Жиззах политехника институтининг 2022 йил 18-январдаги 02-079 сонли маълумотномаси). Мазкур ўқув қўлланмадан техника олий таълим муассасаларида хорижий тил (инглиз тили) фанини ўқитиш методикасини замонавий методлар асосида такомиллаштиришга хизмат қилган;
техника олий таълим муассасаларида бўлажак профессионал таьлим ўқитувчиларига хорижий тилларни ўқитишда хорижий тилларни касбий фаолиятга йўналтириб ўқитишга қаратилган мобил илова ҳамда махсус луғат ишлаб чиқилган ва амалиётга жорий қилинган (Жиззах политехника институтининг 2022 йил 18-январдаги 02-079 сонли маълумотномаси). Мазкур мобил илова бўлажак профессионал таьлим ўқитувчиларининг хорижий тилларни билиш компетентлигини ривожлантиришга хизмат қилган.
Тадқиқот натижаларининг апробацияси. Мазкур тадқиқот натижалари 6 та халқаро ва 6 та республика илмий-амалий анжуманларида муҳокамадан ўтказилган.