Жиноят ҳУҚУҚИ (умумий қисм) Маърузачи

Альтернатив санкция деб – содир қилинган жиноят учун икки ёки ундан ортиқ жазо турларидан бирини қўллашни назарда тутувчи санкция турига айтилади.
Нисбий муайян санкция деб - жазо миқдорининг муайян чегарасини (энг қуйи ва юқори даражасини) белгиловчи санкция турига айтилади.
Кумульятив санкцияда эса - асосий жазо билан бирга қўшимча жазо ҳам тайинланиши назарда тутиладиган санкция турига айтилади.
Агар модда санкциясида жазо турининг қуйи даражаси кўрсатилмаган бўлса, ЖК Умумий қисм қоидалар асосида ЖКнинг X ва XV - бобларида жазо турлари учун назарда тутилган умумий муддатлар ва миқдорлар асосида тайинланади.


7. Жиноят қонунининг ҳудуд ва вақт ҳамда шахслар доираси бўйича амал қилиши.


Жиноят қонунининг ҳудуд бўйича амал қилиши деб - Ўзбекистон Республикаси ҳудудига кирувчи қуруқлик, сув ҳавзаси ва ҳаво бўшлиғида содир этилган ҳар қандай жиноятлар амалдаги жиноят қонуни билан тартибга солинишига айтилади.
Қилмиш:
- Ўзбекистон ҳудудида бошланган, тамомланган, тамом бўлмаган, тўхтатилган, давомли қилмишлардан бир қисми ушбу ҳудудда содир қилинган бўлса;
- Ўзбекистон ҳудудидан ташқарида содир этилиб, жиноий оқибати эса, Ўзбекистон ҳудудида юз берган бўлса;
- Ўзбекистон ҳудудида содир этилиб, жиноий оқибати эса, Ўзбекистон ҳудудидан ташқарида юз берган бўлса;
- Ўзбекистон байроғи остида ва Ўзбекистон портида рўйхатга олинган ҳаво, денгиз ёки дарё кемаси ҳеч бир давлатга тегишли бўлмаган ҳудудда жойлашган бўлса ва ушбу кема бортида жиноят содир этилса, жиноят Ўзбекистон Республикаси ҳудудида содир этилган жиноят деб топилади.
Ўзбекистон Республикаси ҳудудида содир қилинган жиноятлари учун Ўзбекистон Республикаси фуқаролари, чет эл фуқаролари, фуқаролиги бўлмаган шахслар бир хилда жавобгарликка тортиладилар;
- Алоҳида иммунитетга эга бўлган чет эл фуқаролари эса, Ўзбекистон Республикаси ҳудудида содир қилган жиноятлари учун халқаро шартномаларга мувофиқ жавобгарлик масаласи ҳал қилинади;
- Ўзбекистон Республикаси фуқароси чет эл давлати ҳудудида содир қилган жиноятлари учун ушлаб берилиши мумкин эмас. Агарда, халқаро шартномаларда бошқача ҳолат назарда тутилмаган бўлса;
- Шунингдек, чет эл фуқароси ёки фуқаролиги бўлмаган шахс Ўзбекистон Республикаси ҳудудида содир қилган жинояти учун бошқа давлатга ушлаб берилиши мумкин эмас.