Жиноят ҳУҚУҚИ (умумий қисм) Маърузачи

ЖИНОЯТ ҲУҚУҚИ (УМУМИЙ ҚИСМ)


Маърузачи: Жиноят ҳуқуқи, криминология ва коррупцияга қарши курашиш кафедраси доценти вазифасини бажарувчиси Ш.Хайдаров

1-мавзу. Жиноят ҳуқуқи модулига кириш. Жиноий жавобгарлик асослари. Қилмишнинг жиноийлигини истисно қиладиган ҳолатлар

Мавзу режаси:
1. Жиноят ҳуқуқи фани тушунчаси, предмети, вазифалари ва методлари.
2. Жиноят ҳуқуқининг ҳуқуқ тизимида тутган ўрни ва унинг бошқа ҳуқуқ соҳалари билан ўзаро алоқаси.
3. Жиноят ҳуқуқи тизими. Умумий ва махсус қисмлар:
4. Жиноят тушунчаси ва белгилари.
5. Жиноий жавобгарлик тушунчаси ва унинг ўзига хос хусусиятлари.
6. Жиноят таркиби жиноий жавобгарликка тортишнинг асоси.
7. Қилмишнинг жиноийлигини истисно қиладиган ҳолатлар тушунчаси ва турлари.


1. Жиноят ҳуқуқи фани тушунчаси, предмети, вазифалари ва методлари.


жиноят ҳуқуқи фани тушунчаси – жиноят ва жазо ҳақидаги фан бўлиб, ушбу соҳада юзаган келадиган ижтимоий муносабатларни ўрганади ва тартибга солади.
жиноят ҳуқуқи предмети – жиноят, жиноий жавобгарлик , жазо ҳамда жазо тайинлаш, жавобгарлик ва жазодан озод қилиш, судланган ҳамда тиббий йўсиндаги мажбурлов чоралари билан боғлиқ бўлган ижтимоий муносатларни тартибга соладиган норматив-ҳуқуқий ҳужжатлар, қонунни қўллаш амалиёти, ҳамда юридик фанда мавжуд бўлган концептуал ёндашувлар, илмий-назарий қарашлар ва ҳуқуқий категориялар ташкил этади.
жиноят ҳуқуқи вазифалари – жиноят ҳуқуқи вазифалари бевосита жиноят қонуни (кодекс)да назарда тутилган қазифалардан келиб чиқиб қуйидагилардан иборат:

1. 
   Жиноий тажовузлардан ҳимоя қилиш;
   
2. 
   Жиноятларни олдини олиш;
   
3. 
   Қонунларга риоля қилиш руҳида тарбиялаш.
   

Ушбу вазифалар амалга оширишда жиноят қонуни принципларига сўзсиз амал қилиш талаб этилади.
жиноят қонуни принциплари: қонунийлик, фуқароларнинг қонун олдида тенглиги, демократизм, инсонпарварлик, одиллик, айб учун жавобгарлик, жавобгарликнинг муқаррарлиги принципларидир.