Экологик қонун талабларни бузганлик учун юридик жавобгарлик Режа

Мавзу: Экологик қонун талабларни бузганлик учун юридик жавобгарлик
Режа
1. Экологик қонун талабларни бузганлик учун юридик жавобгарлик тушунчаси. Экологик ҳуқуқий жавобгарлик.
2. Фуқаровий ва интизомий жавобгарлик.
3. Маъмурий ва жиноят жавобгарлик.
Экологик-ҳуқуқий жавобгарлик - бу белгилаб қўйилган табиатни муҳофаза қилиш ва экологик қонун талаблари ҳамда меъёрларини бузганлиги, табиий ресурслардан ортиқча фойдаланиш, муҳофаза қилиш қоида-талабларини бузиш, атроф табиий муҳитни, табиатни ифлослантириш, табиий ресурслардан ноқонуний ва хўжасизларча фойдаланиш оқибатида вужудга келиб, у субъектларни юридик жавобгарликка тортилишида намоён бўлади.
Экологик-ҳуқуқий жавобгарлик турлари :

• интизомий
• маъмурий
• фуқаролик
• жиноий-ҳуқуқий

Ўзбекистон Республикаси «Табиатни муҳофаза қилиш тўғрисида»ги қонунининг 47-моддасига асосан экологик қонунларни бузишда айбдор бўлган шахслар Ўзбекистон Республикасининг қонунларига биноан интизомий, маъмурий, жиноий ва фуқаровий жавобгарликка тортиладилар.
Экологик қонун талабларини бузганлик учун интизомий жавобгарликка тортишдан асосий мақсад-содир этилган экологик ҳуқуқбузарлик (ножўя хатти-ҳаракат) учун моддий ва маънавий жавобгарликни белгилаш, амалдаги экологик ва аграр қонунларга риоя этиш ҳамда меҳнат интизоми ва табиатни муҳофаза қилиш тизимга қатъий риоя қилишни таъминлашдан иборатдир.
Ўзбекистон Республикасининг Меҳнат кодексида интизомий жазонинг аниқ турлари кўрсатилган бўлиб, меҳнат интизомини бузган ходимга нисбатан қуйидаги интизомий жазо чоралари қўлланади:
1) ҳайфсан;
2) ички меҳнат тартиби қоидаларини бузганлик учун энг кам ойлик иш ҳақининг ўттиз бараваридан эллик бараваригача миқдорда жарима;
3) меҳнат шартномасини бекор қилиш.
Табиий бойликларидан фойдаланиш ва муҳофаза қилиш талабларини бузиш ҳолатида қўлланиладиган интизомий жавобгарлик меҳнат муносабатлари доирасида келиб чиққан бўлиши лозим. Ходим ўзини меҳнат фаолиятини лозим даражада бажармаганлиги оқибатида табиатга иқтисодий, моддий ва экологик зарар етиши, ҳуқуқ соҳасининг табиий ресурслардан оқилона фойдаланиш ва уларни муҳофаза қилиш билан боғлиқ белгиланган ҳуқуқий-экологик тартиби ҳамда меъёрлари бузилишини мавжудлиги интизомий жавобгарликни келиб чиқишига сабаб бўлади.
Табиий ресурслардан фойдаланиш талаб ва қоидаларини бузганлик учун маъмурий жавобгарликка тортиш учун асос бўлиб, маъмурий ҳуқуқбузарликни (ножўя хатти-ҳаракатни) содир этилиши кифоя бўлади.
Амалдаги қонунчиликда табиий ресурслардан фойдаланиш талаб ва қоидаларини бузганлик учун маъмурий жавобгарликка тортиш асоси ва унинг тушунчаси Ўзбекистон Республикасининг Маъмурий жавобгарлик тўғрисидаги кодекснинг 10-моддасида кўрсатилган
ЁДДА САҚЛАНГ!