Жараёни ва ўзбекистон ёшлари”

ГЛОБАЛЛАШУВ ЖАРАЁНИДА БОШҚАРУВ 
ПСИХОЛОГИЯСИ МУАММО СИФАТИДА
(“Патрик Ленсиони” модели мисолида)
Қосимова Наргиза Дилмуродовна
Андижон вилояти халқ таълими ходимларини 
қайта тайёрлаш ва уларнинг малакасини ошириш 
ҳудудий маркази, «Педагогика ва психология, 
таълим технологиялари» кафедраси мудири, 
психология фанлари номзоди
Бошқарув муаммоси XX асрнинг охири ва XXI аср бошларида энг дол-
зарб муаммолардан бирига айланди. Бу ҳолат инсон омилининг барча ижти-
моий жараёнлардаги ошган роли бўлиб ҳисобланди. Бундан ташқари, инсон-
ларнинг ўзида ҳам илк ёшликдан лидерликка иштиёқ, хизмат лавозимларида 

---

120
Дунё глобаллашув жараёни ва Ўзбекистон ёшлари
муваффақиятга интилишга мойиллик каби шахсий сифатлар ҳам намоён бўла 
бошлади. Бундай ижтимоий психологик ҳодисалар энг аввало бошқарув 
соҳасини янада такомиллаштириш, унинг самарадорлигини ошириш, меҳнат 
маҳсулдорлиги ва инсоний муносабатларни ошириш, каби масалаларда ушбу 
омилнинг таъсирчан ролининг ошганлиги кун тартибига долзарб қилиб қўйди. 
Бошқарув тизимида раҳбарнинг профессионал муҳим сифатлари масаласи 
охирги йилларда мутахассислар ва амалиётчиларни кўпроқ қизиқтирмоқда.
Бир гуруҳ олимлар америкалик ва япониялик раҳбарлар фаолиятини ўрганиб, 
уларга хос бўлган энг муҳим сифатларнинг блокларини ажратганлар. 1500 та 
америкалик менеджер ва 41 та йирик Япония фирмалари раҳбарларининг си-
фатлари қуйидагича табақаланади:
А. Концептуал қобилият ва хулқ-атвор стандартлари:
дунёқарашнинг 
кенглиги, глобал ёндашув, узоқни кўра билиш, ташаббускорлик, таваккалчилик, 
мунтазам ўз устида ишлаш ва узлуксиз ўқиш, изланиш;
Б. Шахсий сифатлар:
мақсад ва йўналишларини аниқ белгилаш, тинглаш 
қобилияти, холислик, самимият ва бағрикенглик, адолатли қарор қабул қилиш, 
симпатик хусусиятларга эга бўлиш;