Жаҳон иқтисодиёти ва дипломатия университети

Сиёсий мулоқот тегашли ахборотнинг тарқалишини ўз ичига олади. Сиёсий иштирок фуқароларнинг сиёсий тизим ёки мухолифатни тегиш-ли даражада қўллаб-қувватлашларини ўзида ифодалайди.
2. Сиёсий тизимнинг функциялари. Сиёсий тизимларнинг фаолият кўрса-тиш моделлари.
Сиёсий тизимнинг моҳияти уни ташкил этувчи барча қисмлар ва улар-нинг ишлаш хусусиятларини тадқиқ этиш жараёнида нисбатан тўлиқ тушу-нилади ва очилади. Умумлаштириб айтганда, сиёсий тизим жамият мавжуд-лигининг иқгисодий асослари, ижтимоий тузилиши, демографик ва эколо-гик жараёнлар, аҳолининг саводхонлик даражаси ва маълумотларга эгалига, ижтимоий онг ҳолати, маънавий-мафкуравий ҳаёт ва халқаро ҳаётни қамраб олган ҳолда, жамият ҳолатини акс эттиради.
Шундай қилиб, сиёсий тизим моҳияти ва тушунчасининг таҳлили қуйи-даги хулосаларга олиб келади:

1. 
   Сиёсий тизим фаолиятининг асосида хусусий ва ижтимоий ҳаёт тафо-
   вутлари ётади. Шунинг учун сиёсий тизимнинг асосий вазифаси кишилар фа-
   олияти ва хулқ-атворини тартибга солишдан иборат;
   
2. 
   Сиёсий тизим аъзолари турли ёки қарама-қарши мақсадларни кўзлаш-
   лари мумкин ва бу ҳолат ички зиддиятларнинг манбаи ҳисобланади. Бу зидди-
   ятлар келишув ёки куч ишлатиш йўли билан бартараф қилиниши мумкин;
   
3. 
   Олий сиёсий намояндалар ҳамма нарсанинг қонуний бўлишига ин-
   тиладилар (ўзларининг халқ, жаҳон ҳамжамияти томонидан эътироф эти-
   лишлари), бунинг учун ўз аҳволларини оклайдиган мафкурани яратадилар
   ва тарқатадилар. Хусусан, юқори доира алоҳида ижтимоий гурухлар ва шахс-
   ларнинг хусусий манфаатларини ифодалашга ҳаракат қилади;
   
4. 
   Ҳар қандай сиёсий тизимнинг амал қилиши бошқа сиёсий тизимлар
   билан у ёки бу даражада алоқаларнинг мавжуд бўлишини тақозо қилади.
   

Бугунги кун сиёсатшунослик фанида сиёсий тизимлар фаолиятининг илмий таҳлили аналитик модел асосида амалга оширилади. Сиёсатшунослар сиёсий тизимлар фаолиятини яққол тасаввур қилиш ва тушунишга имкон берадиган бир қанча моделларни ишлаб чиққанлар. Улардан иккитаси — аме-рикалик политологлар Д. Истон ва Г. Алмонднинг сиёсий тизимлар назария-сининг асосини ташкил этадиган қарашларини кўриб чиқиш мумкин.