Жаҳон иқтисодиёти ва дипломатия университети

Олий даражадаги сиёсий элитага мамлакат раҳбари, Бош вазир, Бош вазир ўринбосарлари ва етакчи вазирлар, парламент спикери, депутатлар фракциялари раҳбарлари киради. Бу, жамият учун анча муҳим бўлган сиёсий ечимларни қабул қиладиган, сон жиҳатидан анча чекланган инсонлар гу-руҳи (100-200 киши).
Ўрта даражадаги сиёсий элита кўплаб сонли сайланган мансабдор шах-слардан шаклланади: ҳокимлар (губернаторлар), парламент депутатлари, си-ёсий партиялар ва жамоат ҳаракатлари ҳамда касаба уюшмалари бошликла-ри. Лекин демократик институтлар ривожланган давлатларда партиялар ва касаба уюшмалар лидерлари юқори элита таркибига киришлари мумкин.
Куйи даражадаги элитани маҳаллий доирада фаолият олиб борувчи си-ёсатчилар ташкил қилади (раҳбарлар ва маҳаллий бошқарув органлари депу-татлари, регионал доирадаги партия аъзолари).
Маъмурий элита — бу бошқарувнинг техник-ташкилий воситаларини ўз қўлида монополлаштирган, бошқараётган элитанинг бир қисмидир. Персо-нал таркибда административ элита — бу вазирликларда, ҳукуматнинг турли бошқарув органлари департаментларида муҳим ўринларни эгалловчи давлат ишчиларининг (мансабдор шахслар) энг юқори табақаси. Административ эли-та сиёсий элита таркибига киради, лекин уни (бошқарув аппарати) тузили-ши жиҳатидан мустақил гуруҳга ажратиш мумкин.
Иқтисодий элита — бу бошқарув тизимида ўз фаолиятини хусусий мулк асосида олиб борувчи, бошқараётган элитанинг бир қисмидир. Иқтисодий элита таркибига ўз қўлларида моддий ва молиявий ресурсларни тўплаган шахслар киради: улкан корпорациялар, банклар эгалари ва уларнинг мене-жерлари.
184
Ҳарбий ва полиция элитаси таркибига давлатнинг олий ҳарбий раҳбар-лари, генералитет, ички ишлар вазирлиги, давлат хавфсизлиги, махсус хиз-матлар ва ҳк. бошликлари киришади. Баъзи давлатларда ҳарбий элитанинг бир қисми олий табақа элита таркибига кирса, бошқа қисми эса ўрта ёки адми-нистратив элита таркибига киритилиши мумкин.
Кўзга кўринадиган қатламлардан бирини маънавият, маданий, мафку-равий элиталар ташкил қилади. «Маънавий йўлбошчилар» ва йирик оммавий ахборот воситалари ходимлари ва таълим-тарбия масканлари, зиёлилар ва заковатлилар, ёзувчилар, диний арбоблар, адабиёт ва санъат ходимлари шу-лар жумласидандир.