Jamurad yangiboyevich, amirov

Qonsizlantirish  jarayoni.  Yirik  va  mayda  shoxli  hayvonlarda  ularning 
tirik  vazniga  nisbatan  qonning  miqdori,  tanasida  7-8  %,  cho‘chqalarda  5  %  ni 
tashkil etadi. Qonsizlantirishda, qoramollarning tirik vazniga nisbatan yig‘ilgan 
qonning  miqdori  4,2  %,  qo‘y,  echki,  cho‘chqalarda  3,5  %  kam  bo‘lmasa,  ular 
yetarli darajada qonsizlangan hisoblanadi. Qolgan qismi ichki organlarda bo‘lib, 
so‘yishning  so‘nggi  jarayonlarida  yig‘iladi.  Ma’lum  qismi  esa  go‘shtda  qoladi. 
Qonsizlantirish  vertikal  holatda  olib  boriladi.  Ya’ni,  hayvon  orqa  oyog‘idan 
yuqoriga ilinib, bosh tomoni pastga qaratilgan bo‘lishi lozim. 
Barcha hayvonlarni qonsizlantirishda bo‘yin qismidagi bo‘yinturuq vena va 
uyqu arteriyasi kesiladi. Qoramollarda qizilo‘ngachni berkitish kerak, aks holda 
go‘shtni oshqozondagi saqlangan moddalar ifloslantiradi. Qoramollar 6-8 minut 
davomida qonsizlantiriladi. 
Mayda  shoxli  hayvonlarni  so‘yish  shunday  amalga  oshirilishi  lozimki, 
bunda  qizil  o‘ngach  shikastlanmasin.  Ularni  qonsizlantirish  vaqti  5-6  minut 
davom etadi. Qonsizlantirilgandan so‘ng bosh qismi ajratiladi. 
Cho‘chqalarni  qonsizlantirish  ham  6-8  minut  davom  etadi.  Bunda 
bo‘yinning  ko‘krak  bilan  birlashgan  joyidan  pichoq  ichkariga  qarab  sanchiladi 
va uyqu arteriyasi va bo‘yinturuq venasi kurakka yaqin joyidan kesiladi.