Jamurad yangiboyevich, amirov

 
VIII.1.6. Konservalangan va quruq sut ishlab chiqarish. 
 
Sut  konservalari  -  tabiiy  sutdan,  sut  qo‘shimcha  mahsulotlaridan  yoki 
ularga  turli  xushta’m,  xushhid  beruvchi  ozuqaviy  moddalar  qo‘shib,  maxsus 
ishlov berish yo‘li bilan tayyorlanadi. 
Sut  konservalarini  tayyorlashning  nazariy  asoslari;  mikroblar  hayotini 
to‘xtatish  yoki  susaytirish,  shu  asosda  mahsulot  buzilishini  oldi  olish,  hamda 
mahsulot  tarkibida  kechadigan  noxush  fermentativ  jarayonlarni  to‘xtatishdan 
iborat. 
Sut  konservalari  juda  ko‘p  qulay  shakllarga,  tabiiy  sutga  nisbatan 
afzalliklarga egadir. 
Sut sterilizatsiya, quritish va shakar qo‘shish yo‘llari bilan konservalanadi. 
Quyultirilgan sterillangan sut konservalari ishlab chiqarish uchun vakuum - 
bug‘lantirish  apparat,  sterilizator  va  bankalarni  berkituvchi  apparat  bo‘lishi 
kerak.  Bu  turdagi  sut  konservalariga  tabiiy  quyultirilgan  sterillangan,  tabiiy 
quyultirilgan pasterlangan va yog‘sizlantirilgan sutlar kiradi. 
Tabiiy  quyultirilgan  sterillangan  sut  qo‘yidagi  ko‘rsatkichlari  bilan 
xarakterlanadi:  ta’mi  shirin,  konsistensiyasi  bir  xil,  tarkibida  quruq  modda 
25,5% dan kam bo‘lmagan, shu jumladan yog‘i 7,8%. 
Bunday  sutning  tarkibida  umuman  mikroorganizmlar  bo‘lishi  mumkin 
emas. 
Sterillangan  quyultirilgan  sut  ishlab  chiqarish  texnologiyasi  quyidagi 
jarayonlarni o‘z  ichiga oladi: sut qabul qilish va uni sifatini aniqlash, tozalash, 
sovutish va saqlash, me’yorlash, quyultirish, gomogenlash va quyultirilgan sutni 
sovutish,  sinov  uchun  sterillash,  sutni  idishlarga  (banka)  quyush  va  berkitish, 
quyultirilgan sutni sterillash, sterillanganligini tekshirish va saqlash.