Jalilova s. X. Taraqqiyot psixologiyasi va differentsial psixologiya

O`rta yosh inqirozi
Inson umrining o`rtalarida yuzaga keluvchi o`rta yosh inqirozi davri – bu inson hayotini tanqidiy jihatdan tahlil qilish va baholash davri. Bunda ayrim insonlar o`z imkoniyatlari cho`qqisiga erishganliklaridan qoniqish hissini kechsalar, boshqalar uchun esa bosib o`tgan hayotiy yo`llarini tahlil qilish og`riqli jarayon bo`lishi mumkin.
Soch oqarishi, tana og`irligining ortishi, menapauza kabi meyoriy omillar ajralish yoki ishdan bo`shash kabi nomeyoriy hodisalar bilan uyg`un kelganda stressni yuzaga keltirishi mumkinligiga qaramay, agar ular hayotning normal holatlari sifatida qaralsa, o`rta yosh inqirozini paydo bo`lish ehtimoli sezilarli tarzda kamayishi mumkin.
40 yosh atrofida (ba`zan avvalroq yoki keyinroq) inson shu vaqtgacha bo`lgan vaqt mobaynida hayotida erishganlarini tanqidiy jihatdan baholash davri bo`lib, bu davrda salomatlik zaiflashuvining dastlabki belgilari vujudga keladi, go`zallik va jismoniy formani yo`qotish, oilada katta yoshli farzandlari bilan munosabatlarda uzoqlashish, endi hayotda, mansabga erishishda yutuqlarga erishmaslikdan xavfsirash kuzatiladi. Bu psixologik fenomen o`rta yosh inqirozi deb ataladi. Inson bosib o`tgan hayotiy yo`lini tanqidiy tahlil qilishi va baholashi natijasida ko`pincha “hayoti behuda o`tganligi va barcha narsa boy berilganligini anglaydi”.
O`z-o`zini tekshirish uchun savollar:

1. 
   Yosh inqirozlari qanday sabablarga ko`ra sodir bo`ladi?
   
2. 
   Yosh inqirozlarini qanday belgilarga ko`ra tavsiflash mumkin?
   
3. 
   Uch yosh inqirozi yuzaga kelishining asosiy sababi nimada?
   
4. 
   Yosh inqirozlari inson psixik taraqqiyotida qanday rol o`ynaydi?
   
5. 
   Yosh inqirozlari haqidagi bilimlar nima uchun zarur?
   

PERINATAL VA CHAQALOQLIK DAVRI
Reja
1.Perinatal davrida psixofiziologik rivojlanish.
2.Chaqaloqlik davrining fiziologik va psixologik xususiyatlari.