Жабборов, Рустам 100 жумбоқли ҳикоя / Рустам Жабборов. Тошкент: Янги

ҚОТИЛГА АЙЛАНГАН МУХЛИС
– Таниқли спортчи Молли Фирс ўз уйининг остона-
сида ўлдириб кетилган, – дея ахборот берди инспектор 
Винтерс доктор Меридитга. – Марҳума оддий ошхона 
пичоғи билан ўлдирилган. Кейин эса пичоқ дастаси ях-
шилаб артилган. Шу боис биз пичоқдан ҳеч қандай из 
топа олмадик. Лекин ҳозирча биз икки нафар гумонла-
нувчини ушлаб турибмиз. Улардан бири Дерик Комин, 
иккинчиси эса Эрик Ходер. Маълумотларга кўра, улар-
нинг ҳар иккиси спортчининг ашаддий мухлиси бўлиш-
ган ва уни бир-биридан қизғанган. 
– Қизиқ, – оқ оралаган сочлари орасига бармоғини 
киритганча, мушоҳадага толди доктор. – Ҳа, ашаддий 
мухлислардан ҳар нарсани кутса бўлади. Нега айнан 
улардан шубҳаланаётганингизни билсак бўладими? Гу-
монланувчилар билан гаплашиб кўрдингизми?
– Албатта, – деди инспектор худди шу саволни кутиб 
тургандек. – Гап шундаки, Моллининг жасади топилган 
пайтда, унинг эгнида трикотаж футболка ва шортик, 
оёғида кроссовка бўлган. Жасадни ҳодисадан бир соат 
ўтиб, қоровул кўриб қолган. Маълум бўлишича, Молли 
океанда ўтадиган моторли яхталар мусобақасида ишти-
рокчи сифатида рўйхатига олинган. Мусобақа шу куни 
тушдан кейин ўтиши лозим эди. Қизиғи, Молли айнан 

---

175
«
100 жумбоқли ҳикоя
»
Дерик Коминнинг жамоаси аъзоси бўлган. У аввал ҳам 
худди шу жамоада бир неча марта ўйнаган экан.
– Унда Дерикдан шубҳаланишга бирор асосингиз 
борми? – инспекторнинг гапини бўлди доктор. – Ахир у 
ўз жамоасида қатнашиши керак бўлган спортчини ўлди-
риб, ўзига ўзи зиён етказмаса керак?
– Ҳа, лекин Молли ва Дерик ўртасидаги ишқий му-
носабатлар бир неча йилдан бери давом этиб келган. 
Бироқ орада рассом Эрик Ходер пайдо бўлиши билан 
муносабатларга дарз кетган. Гап шундаки, Молли ҳар 
иккиси билан хуфиёна учрашиб тураверган. Чамаси, 
Молли улардан биттасини танлашга роса иккиланган 
кўринади. 
– Тушунарли, Дерик ҳодиса пайтида қаерда бўлган?
– Дерик мусобақа жадвалига кўра, ўз яхтасида соат 
11 да соҳилга етиб келиши лозим эди. Аммо у бир соат 
кечикиб келди. Ўзининг айтишича, яхтанинг моторида 
муаммо юзага келган ва унинг ўзи моторни очиб, уни 
тузатган. Аммо бу фикрни унинг ўзидан бошқа ҳеч ким 
исботлаб беролмайди. Чунки унинг мотор тузатаётгани 
ҳеч ким кўрмаган. Бинобарин, унда Моллининг уйига 
бориб, уни ўлдириб келиш учун етарлича вақт бўлган. 
– Буни тушундим, – деди доктор Меридит. – Энди рас-
сом Эрик Ходернинг бу ишга қандай алоқаси борлигини 
айтиб берсангиз.
– Эрик Ходер эрталаб Моллининг уйи ёнида у билан 
гаплашиб турганини кўришган. Эрикнинг таъкидлаши-
ча, у Моллини тушликка таклиф қилган. Қиз эса тушга-
ча гўзаллик салонига бориб, сочини турмаклатиш учун 
нав батга ёзилганини айтган. Шундан сўнг рассом Эрик 
Ходер ўзининг устахонасига йўл олган ва кечгача шу 
ерда ижод билан машғул бўлган. Бироқ унинг ҳам сўз-
ларини тасдиқлай оладиган бирор гувоҳ йўқ. Биз унинг 
ўз устахонасида бўлганми ё бошқа ердами, буни аниқ-
лолмадик. 

---

Рустам Жабборов
176
– Хўш, улардан бири қотил бўлса, сиз қайси биридан 
кўпроқ шубҳаланяпсиз? – сўради доктор Меридит синч-
ковлик билан ҳамсуҳбатига тикиларкан. 
– Менимча, ҳар иккисидан ҳам шубҳаланиш учун бир 
хилда асосимиз бор, – хулоса қилди инспектор.
– Йўқ, улардан бири аниқ алдаяпти, – деди Меридит 
ишонч билан. – Агар сиз пухтароқ сўроқ қилсангиз, ма-
сала ойдинлашади. Мен унинг қотил эканига шубҳа қил-
маяпман.
Сизнингча, доктор Меридит кимдан ва нима учун 
шубҳаланган бўлиши мумкин?
Тўқсон биринчи ҳикоя