Жабборов, Рустам 100 жумбоқли ҳикоя / Рустам Жабборов. Тошкент: Янги

ИЗҚУВАРНИНГ «ГУНОҲИ»
Мадриднинг кўзга кўринган тадбиркорларидан бири 
Мигель Фернандеснинг ўлими округ полицияси ко-
миссари Хулио Родригесни анча ўйлантириб қўйганди. 
Наҳотки бу шунчаки худкушлик бўлса? 
Бир қараганда, Фернандес ўзини ўзи ўлдиргани ҳақи-
даги фараз ҳақиқатга жуда яқин. Ҳозиргача тўпланган ва 
тасдиқланмаган маълумотларга кўра, бу пайтда унинг 
корхонаси касодга юз тута бошлаган. Хотини Роза-
лиа Дельгадо анчадан бери у билан ажрашиш нияти-
да юрган. Бироқ ортиқча гап-сўз ва харажатдан қочиб, 
Фернандес бу ишни ортга суриб келган. Бунинг устига 
руҳан хаста фарзандининг келажаги уни қаттиқ қайғуга 
солиб қўйган. Оилавий бахтсизлик ва ишдаги омадсиз-
лик Фернандесни ўз жонига қасд қилишга ундаган бўли-
ши мумкин. 
Аммо изқуварлик бурчи барчасини пухта текшириб, 
ундан кейин аниқ хулоса чиқаришни талаб этади. Икки 
кундирки, комиссар шу ҳақда бош қотиради. Мана, ҳозир 
ҳам у ёрдамчиси Луис Монтальво билан Мадрид четида-
ги Альмудена қабристонига тадбиркорнинг дафн мароси-
мига келган ва одамларни синчковлик билан кузатмоқда. 

---

177
«
100 жумбоқли ҳикоя
»
Луис яқиндагина полицияга ишга кирган, йигирма 
икки ёшлардаги хушбичим йигит. Унинг ташқи кўрини-
ши полициячидан кўра кўпроқ Голливуд актёрларини 
эслатарди. Йигитнинг ўткир нигоҳлари одамлар ора-
сидан Фернандеснинг қотилини излаётгандек олазарак 
боқади. Шу аснода унинг ҳассос кўзлари анчадан бери 
унга қаттиқ тикилиб турган бир жуфт шаҳло кўз билан 
тўқнашди-ю, қалқиб кетгандек бўлди. Тавба, бу қизалоқ 
ким бўлди? Нега бунча қаттиқ тикилмаса? Унинг қа-
рашларидаги аллақандай телбавор куч йигитнинг ичига 
тушунарсиз таҳлика солганди. 
– Лаура Фернандес, – деди бошлиғи Хулио уни ҳар 
бир ҳаракатини кузатиб тургандек. – Марҳумнинг қизи. 
Ўн саккиз ёшда. Туғма кар-соқов, бунинг устига руҳий 
касал... Мигелнинг ундан бошқа зурёди бўлмагани учун 
қаттиқ изтироб чекар экан. 
...Дафн маросими тугагач, комиссар машинасини 
полиция маҳкамаси томон бошқариб бораркан, ёнида 
ўтирган ёрдамчисига навбатдаги топшириқни берди:
– Сен марҳумнинг ишидагилар билан яхшилаб гап-
лашасан. Кейинги пайтлар кимлар билан яқин алоқада 
бўлган ёки зиддиятга бориб қолганини, кирим-чиқим-
ларини, банк ҳужжатларини текширасан. Оилавий 
муаммоларини ўзим ўрганаман. Агар бирор шубҳали 
далил чиқмаса, ишни ёпаверсак бўлади. 
Луис бошлиғи айтгандек иш тутди. Аммо Фернандес-
нинг ишхонасида бирор шубҳага асос бўладиган нарса 
топмади. Рост, кейинги пайтда корхонанинг даромадлари 
сезиларли даражада пасайган. Бироқ ҳамма ҳужжатлар 
ўз ўрнида, марҳумнинг ходимлари ва ҳамкорлари би-
лан алоқаси ҳам рисоладагидек бўлган. Луис марҳумни 
тириклик пайтида кўрмаган, у ҳақда эшитганди холос. 
Луис анча пайтгача марҳумнинг қизи Лауранинг ғалати 
нигоҳларини кўз олдидан кетказолмай юрди. Бора-бора 
ишлари кўпайиб эсидан чиқариб юборди. 
Чамаси, Хулио Родригес ҳам унинг оиласи, яқинлари 
билан гаплашиб, ҳеч қандай шубҳали ҳолатни пайқама-

---

Рустам Жабборов
178
ган кўринади. Марҳум ўз жонига қасд қилган, бошқача 
бўлиши мумкин эмас. 
Орадан икки ойча вақт ўтганди. Бир куни Фернандес 
шогирдини мавҳум қиёфада кутиб олди. 
– Розалия Дельгадо бугун эрталаб ўз уйида ўлик ҳолда 
топилган. – Комиссар шундай дея бироз тин олди ва шо-
гирдининиг даҳшат тўла нигоҳларига тикилди, – Илк тах-
минларга кўра, аёл ухлаб ётганида бўғиб ўлдирилган. Уйи-
да марҳуманинг қизи Лаурадан бўлак ҳеч ким бўлмаган. 
Луиснинг кўзлари пирпиради:
– Ҳеч нарсани тушунмаяпман? Сиз бу билан Дельгадо 
хонимнинг ўлимига Лаура айбдор демоқчимисиз?
– Айбдор Лаура эмас, сенсан, – деди Хулио Родригес 
ва бунинг сабабини асослаб берди. 
Сизнингча, бу жиноятга Луиснинг қандай алоқаси 
бўлиши мумкин?
Тўқсон иккинчи ҳикоя