342
бир текис қуриб, пўсти ажралмайдиган бўлганда қуритиш тугалланади.
Сиқилиб бир-бирига ёпишиб қолган мевалар осонгина ажралади. Аммо
подносда меваларни бир текисда қуритиб бўлмайди. Яхши қуриган
меваларни эса сақлашга олиб қўямиз ва яхши қуримаганларини эса яна
қайтадан қуритишга қолдирдирамиз.
Туршакнинг 75-80 % ида намлик 15-17 % ни ташкил қилгач у обдон
қуриганлиги аниқ бўлгач яхши қуриганлари ажратиб олинди. Туршак
йиғиштириб олинганидан сўнг, энди унинг намини бараварлаш мақсадида
яхши қуримаган ўрик мевалари яна қуритилди. Биринчи еғиштириб олинган
ўрикларимиз тахта қутиларга солинди. Бундай қутиларнинг узунлиги 1,2
метр, эни 0,7 метр, баландлиги 0,5 метр бўлиб, уларга 80-100 кгдан маҳсулот
жойлаштирилди. Қутилар ёпиқ биноларга сақлаш учун жўнатилди. Бу
жараён 12-15 кун давом этди. Шунингдек, маҳсулот сифатига тўғридан-тўғри
тушадиган ёруғлик, айниқса қуёш нури ҳам ёмон таъсир қилиши мумкин.
Бундан ташқари маҳсулот сифатини бузилишига зараркунандалар ва
микроорганизмлар ҳам сабаб бўлиши мумкин.
Шу даврда яхши қуримаган меваларнинг нами ўта қуриганларга ўта
бошалаганда биз уларни навларга ажратиб оламиз, кейин биринчи ва
иккинчи навли қуриган ўрикларимизни сақлаш учун қоғоз қопларга
жойлаштириб омборга олиб бориб қўямиз. Қуруқ маҳсулотлар махсус
омборхоналарда яхши шамол ўтиб турадиган жойларда сақланади.
Омборхона яхши ремонт қилинган бўлиши, ёриқлар бўлмаслиги,
сундирилган оҳак билан оқланган, дераза ойналари эритилган бўр билан
оқланиши ва яхши қуриган бўлиши керак. Сабаби, омборхонага бирорта
зараркунанда ўтмаслиги керак, шунинг учун эшик ва деразаларга зич қилиб
металл тўрлар (ячейкасининг ўлчами 2 мм дан катта бўлмаслиги керак) билан
ёпиб чиқилади.Учинчи навлигини эса қайта ишлаш учун ажратилди.
Туршакни биз қайта ишлаб шарбат тайёрлаб оламиз. Ва бу шарбатни
сифат кўрсаткичларини аниқлашда органолептик кўрсаткичлари орқали
аниқлаймиз. Органолептик усулнинг қулайлик томонлари шундан иборатки,
у кўп харажатлар, кимёвий реактивлар, асбоблар талаб қилмайди, ҳамда
маҳсулотнинг сифати тўғрисида тезда хулоса чиқариш мумкин бўлади.
Қуритилган меваларнинг сифати стандарт талаби бўйича намуналарни
кўздан кечириб ва таъмини татиб кўриб аниқлаш иконини беради.[14]
Консистенцияси, ранги, ҳиди ва таъми қуритилган меваларнинг энг
асосий кўрсаткичлари ҳисобланади. Қуритилган мевалар юмшоқ, эластик
консистенцияга эга бўлиши керак. Шарбати эса оч жигарранг, тиниқ ва
мазали ,таҳир таъмдан ҳоли бўлиши лозим. Биз 2 хил шароитда қуритилган
меваларнинг шарбатларини оргонолептик хусусиятларини солиштириб
курдик.
Do'stlaringiz bilan baham: