|
1-вариант
Технологиянинг тавсифи. Ушбу технология талаба (ёки ўқувчи)ларни дарс жараёнида, дарсдан ташқарида турли адабиётлар, матнлар билан ишлаш, ўрганилган материлани ёдида сақлаб қолиш, сўзлаб бериш, фикрини эркин ҳолда баён эта олиш, қисқа вақт ичида кўп маълумотга эга бўлиш ҳамда дарс мобайнида ўқитувчи томонидан барча талаба (ёки ўқувчи) ларни баҳолай олишга қаратилган.
Технологиянинг мақсади. Ўқув жараёни мобайнида тарқатилган материалларни талаба (ёки ўқувчи) лар томонидан якка ва гуруҳ ҳолатида ўзлаштириб олишлари ҳамда суҳбат-мунозара ва турли саволлар орқали тарқатма материаллардаги матнлар қай даражада ўзлаштирилганлигини назорат қилиш ва баҳолаш. Ўқув жараёни мобайнида ҳар бир талаба (ёки ўқувчи) томонидан ўз баҳо (ёки балл)ларини эгаллашга имконият яратиш.
Технологиянинг қўлланиши. Амалий машғулотлар, семинар ёки лаборатори машғулотлари ҳамда суҳбат-мунозара шаклидаги дарсларда якка тартибда, кичик гуруҳ ва жамоа шаклида фойдаланилиши мумкин.
Машғулотда фойдаланиладиган воситалар. Талаба (ёки ўқувчи) дарс жараёнида мустақил ўқишлари, ўрганишлари ва ўзлаштириб олишлари учун мўлжалланган тарқатма материаллар (ўтилган мавзу ёки янги мавзу бўйича қисқа матнлар, суратлар, маълумотлар).
Машғулотни ўтказиш тартиби. Ушбу технология бир неча босқичда ўтказилади:
Талаба (ёки ўқувчи)лар кичик гуруҳларга ажратилади;
Талаба (ёки ўқувчи)лар дарс (машғулот)нинг мақсади ва тартиби билан таништирилади;
Талаба (ёки ўқувчи)ларга мустақил ўрганиш учун мавзу бўйича матнлар тарқатилади;
Берилган матнлар талаба (ёки ўқувчи) лар томонидан якка тартибда мустақил ўрганилади;
Ҳар бир гуруҳ аъзоларидан янги гуруҳ ташкил этилади;
Янги гуруҳ аъзоларининг ҳар бир гуруҳ ичида навбати билан мустақил ўрганган матнлари билан ахборот алмашадилар, янги бир-бирларига сўзлаб берадилар, матнни ўзлаштириб олишларига эришадилар;
Берилган маълумотни ўзлаштирганлик даражасини аниқлаш учун гуруҳ ичида ички назорат ўтказилади, янги гуруҳ аъзолари бир-бирлари билан савол-жавоб қиладилар;
Янги гуруҳ аъзолари дастлабки ҳолатдаги гуруҳларга қайтадилар;
Дарснинг қолган жараёнида талаба (ёки ўқувчи) лар билимларини баҳолаш ёки тўпланган билимларини ҳисоблаб бориш учун ҳар бир гуруҳда “гуруҳ ҳисобчиси” тайинланади;
Талаба (ёки ўқувчи) лар томонидан барча матнлар қай даражада ўзлаштирганлигини аниқлаш мақсадида ўқитувчи (ёки оппонент гуруҳ) талаба (ёки ўқувчи)ларга саволлар билан мурожаат этадилар, оғзаки сўров ўтказадилар;
Саволларга берилган жавоблар асосида гуруҳларни тўплаган умумий баллари аниқланади;
Ҳар бир гуруҳ аъзоси томонидан гуруҳдаги матннинг мазунини ҳаётга боғлаган ҳолда биттадан савол тузилади;
Гуруҳлар томонидан тайёрланган саволлар орқали савол-жавоб ташкил этилади (“гуруҳ ҳисобчилари” берилган жавоблар бўйича балларни ҳисоблаб борадилар);
Гуруҳ аъзолари томонидан тўпланган умумий баллар йиғиндиси аниқланади;
Гуруҳлар тўплаган умумий баллар гуруҳ аъзолари ўртасида тенг тақсимланади.
Изоҳ: ўқитувчи дарни шу тартибда тугатиш ёки ўқув материалларини талаба (ёки ўқувчи) лар томонидан якка тартибда қандай қилиш учун “Чархпалак” технологиясидан фойдаланган ҳолда ўқилган ва ўзлаштирилган матнлар асосида тайёрланган тарқатма материалларни талаба (ёки ўқувчи)ларга тарқатиб, ўз билимларини текшириб олишларига имконият яратиш мумкин.
Дарс (машғулот)ни якунлаш, уйга вазифа бериш
Бинго
Таърифи
Ушбу машқни ўтказиш учун ҳар бир иштирокчи учун олдиндан тарқатма материалларни тайёрлаб қўйиш керак (иловани кўринг).
Ўтказиш тартиби:
Бошловчи ҳар бир иштирокчига тарқатма материалини беради. Иштирокчилар бошқа Ўқувчилардан олинган имкон қадар кўпроқ ахборот тўртбурчакларини тўлдиришлари лозим. Мамлакатлар номлари ва ўқувчининг исми тегишли тўртбурчакда ёзилиши кераклигини таъкидлаш лозим. Иштирокчилар ўртасида иложи борича кўпроқ ҳамкорлик ҳосил бўлиши учун ҳар бир ўқувчининг исми варақда фақат бир марта ёзиб қўйилиши мумкин. Ҳар доим тўртта тўртбурчакдан иборат қатор – горизонтал, вертикал ёки диагонал йўналиш бўйича тўлдирилгандан сўнг, ўқувчи “бинго” деб овоз чиқариб айтиши, кейин эса бошқа қаторларни ҳам тўлдиришга уриниб кўриши керак. Бу жараёнда Ўқувчилар пассив равишда варақларини алмашишларини эмас, бир-бирига фаоллик билан савол беришларини рағбатлантириш муҳимдир.
Машқнинг муҳокамасини ўтказиш:
Сиз машқни ўтказиш вақтида нималарни ҳис қилдингиз?
Ўз синфдошларингиз тўғрисида қандай янгиликларни билиб олдингиз?
Машқ давомида мамлакатлар ўртасида қандай алоқаларни ўрнатдингиз (савдо, ахборот ва ш.ў.)
Машқни ўтказиш вақтида нималарга ўргандингиз?
Ушбу машқдан сўнг қандай хулосалар чиқариш мумкин?
Do'stlaringiz bilan baham: |
