Ызбекистон Республикаси Давлат соли= =ымитаси

4. Quyidagi javoblarning qaysi birida go‘zallik xususiyatlari 

ko‘rsatilgan? 

 a) Sifatlilik, qulaylik, manfaatdorlik, yoqimlilik;  

b) hashamdorlik, manfaatdorlik, yoqimlilik, chiroylilik;  

v) chiroylilik, manfaatdorlik, yoqimlilik, hashamdorlik;  

---

572 

g) qulaylik, manfaatdorlik, yoqimlilik, chiroylilik;  

d) ko‘rkamlik, jozibadorlik, qulaylik; 

 

5. Estetika o‘z tadqiqot obyektiga faqat... 

a) amaliy yondashadi;  

b) iqtisodiy yondashadi;  

v) nazariy yondashadi;  

g) umumiy yondashadi;  

d) ilmiy yondashadi; 

 

 

 

 

---

573 

17-MAVZU. TABIAT VA TEXNOGEN SIVILIZATSIYA 

ESTETIKASI 

 

Tabiatning estetik xususiyatlari 

 

Tabiat go‘zalligi va tarbiyaviy ahamiyati azaldan faylasuflarni 

qiziqtirib  kelgan.  Insoniyat  ma’naviy  yuksalishidagi  eng  buyuk 

davrlar  ham  tabiat  va  odamzod  hayotidagi  o‘zaro  uyg‘unlik  va 

mutanosiblikning  mavjudligini  idrok  etish,  tabiat  va  dunyoning 

tartibli yaratilishi haqidagi oqilona munosabatlar bilan bog‘liq. 

Ma’lumki,  go‘zallik  haqidagi  ilk  tasavvurlar  ham  tabiatga 

dahldor bo‘lib, tabiatdagi organizmlarning har biri o‘z holicha emas, 

balki  boshqa  organizmlar  bilan  bog‘liq  holda  yashaydi.  Masalan, 

nabotot olami ham, hayvonot olami ham quyosh, suv, havo, tuproq 

ta’sirida yashaydi, rivojlanadi. Buni zardo‘shtiylikning kitobi bo‘lgan 

“Avesto”da  ham  ko‘p  bora  ta’kidlab  o‘tiladi.  Axura  Mazda 

qiyofasidagi  ezgulik  hayot  ramzi,  yerni  hayvonot  va  nabotot  bilan 

boyitadi,  inson  ularni  sog‘lik,  kuch-qudrat,  baxt  shodlik,  umid, 

ishonch,  go‘zallik,  farovonlik  yordamida  munavvar  qiladi.  Shuni 

ta’kidlash joizki, “Avesto” da inson oliy jonzot sifatida talqin etiladi, 

ayni  paytda  yeru-ko‘kdagi  barcha  ne’matlarni  sevish,  ardoqlash, 

insonning  muqaddas  burchi  hisoblagan.  Ozodalik,  tozalik 

tushunchalari axloqiy hamda ilohiy tushuncha darajasiga ko‘tariladi. 

Suvni,  atrof-muhitni  toza  tutish,  jonivorlarga  shafqatli  munosabat, 

bularning bari “Avesto”da eko-estetik tarbiyaning uzviy bog‘liq ifoda 

etilishini ko‘rsatadi.  

Tabiatga estetik munosabat xususida Qadimgi Xitoy daochilik 

ta’limotida  ham  o‘ziga  xos  yondoshuv  mavjuddir.  Daosizm 

ta’limotida Inson mavjud olam kabi dao qonunlari asosida vujudga 

kelgan.,  u  tabiatning  bir  qismi,  uning  vazifasi  fazilat  (de)  yo‘lidan 

borish. Har qanday sun’iy aralashuv, tabiatning muvofiqlik tartibini 

o‘zgartirishga  intilish-odamlar  uchun  halokatli,  barcha  yovuz-

liklarning,  son-sanoqsiz  baxtsizliklarning  manbai  tabiat  joriy  etgan 

qonunlardan  chekinishdir.  Shu  sababli  Lao-tszi  nazdida  faoliyat-

daoga  qarshi  qaratilgan  va  xalqqa  zarar  keltiradi.,  uning  asosiy 

axloqiy  tamoyili  “uvey”-faoliyatsizlik,  donishmand  kishining 

“dao”si-bu  kurashsiz  faoliyat.  Lekin  bu  kurashsiz  faoliyat  aslida 

---

574 

tabiatga qarshi bo‘lmagan faol hatti-harakat, faqat daoga xos, tabiat 

qonunlariga mos faoliyatdir. Tabiat go‘zalligini asl holda saqlash va 

uni ko‘rish, his qilish daochilikda muhim ahamiyat kasb etgan. 

Muqaddas Islom dinining muborak manbalari - Qur’oni Karim 

va  Hadisi  sharifda  atrof-muhitni  toza  saqlash,  tabiat  ne’matlaridan 

oqilona  foydalanishga  da’vat  qilinadi.  Tabiat  ne’matlarini  isrof 

qilmaslik,  insonning  yashasha  tarzi,  shaxsiy  gigiyenasi,  zurriyotni 

tozaligiga,  o‘simlik-hayvonot  dunyosini  asrashga,  umuman 

ekologiya  va  tabiatni  muhofaza  qilishga  katta  ahamiyat  berilgan. 

Chunonchi, Hadisda “Kimki daraxt ekib uni muhofaza qilishga sabr 

qilsa, meva bergunicha parvarish qilsa, u odamga mevasidan kelgan 

har bir foyda uchun Alloh huzurida ajr savob bo‘lgay” “Dunyo yam-

yashil va go‘zaldir. Kimki undan haqli ravishda halollik bilan olsa, 

undan baraka topadi. Kimki nafs xohishi bilan dunyoni mukasidan 

ketib egallasa, qiyomat kuni do‘zaxdan boshqa narsaga erishmaydi” 

– degan hikmatlar bir necha marta ta’kidlanadi. 

Tabiatdagi  eng  oddiy  narsa  va  hodisalar  mazmuni  va  shakli 

uyg‘unligi  bilan  go‘zaldir.  Go‘zallik  bu  voqelik  (tabiat,  jamiyat, 

san’at)  hodisasi  bo‘lib,  aniq  hissiy  ta’sir  o‘tkazish  orqali  insonda 

jismoniy  va  ma’naviy  kuchlar  oqimining  ko‘payishiga,  shodlik, 

zavqlanish, to‘la ma’naviy qoniqish holati vujudga kelishiga imkon 

yaratadi.  Go‘zallik  doimo  foydalidir,  lekin  bu  foydalilik  jamiyat 

taraqqiyoti uchun xizmat qilishga mo‘ljallangan bo‘ladi. 

Tabiatdagi go‘zallik ijtimoiy hayot go‘zalligidan, foydali amaliy 

faoliyatidagi go‘zallik badiiy ijoddagi go‘zallikdan farq qiladi. Lekin 

go‘zallik  qanchalik  o‘zining  rango-rangligi  bilan  ajralib  turmasin, 

ularning barchasi qandaydir umumiy tub belgilarga ega bo‘lib, mana 

shu  umumiy  tub  belgilar  tufayli  ularning  barchasini  maxsus  ilmiy-

falsafiy  istiloh-go‘zallik  tushunchasi  orqali  talqin  etish  imkoniyati 

mavjud. 

Inson  hamma  yerda  va  har  qanday  darajada  mavjud  tabiiy 

hamohanglik bilan to‘qnashar ekan, u albatta tabiatning go‘zalligidan 

zavq-shavq oladi, ongli yoki anglamagan holda sevinadi, ma’naviy 

boylik orttiradi. Inson tabiatdagi u yoki bu davr, u yoki bu ijtimoiy 

guruh  ijtimoiy  orzusiga  muvofiq  keladigan  hodisalarni  go‘zallik 

sifatida  baholaydi.  Hamma  vaqt  tabiatga  estetik  munosabat  va 

tabiatni  estetik  o‘zlashtirish  uni  «insoniylashtirish»,  tabiat 

---

575 

hodisalariga inson talab-ehtiyojlarini, maqsad-orzularini tatbiq etish 

bilan bog‘lanib ketgan.  

Insonda  tabiatga  qanday  munosabatda  bo‘lish  tuyg‘usi 

birdaniga paydo bo‘lmagan, albatta, u sekin-asta, inson zoti va tabiati 

rivojlanib  borgani  sari  shakllanib  borgan,  ibtidoiy  san’at manzarali 

tasvirlarni  bilmagan,  tabiat  hodisalarining  go‘zal  yoki  hunuk 

ekanligini  baholamagan,  qadimgi  ovchi-musavvir  o‘z  diqqat 

e’tiborini  asosan  tirikchilik  manbai  bo‘lgan  narsalar,  voqea 

hodisalarga  qaratgan  edi.  (Omonqo‘ton,  Sarmishsoy,  Zarautsoy, 

Xojikent,  Panjikent  va  boshqa  qoya  rasmlarni  eslang).  O‘sha 

paytlarda  inson faoliyatining  asosiy  turi  bo‘lgan  ovchilik  o‘rniga  u 

yoki u bilan yonma-yon dehqonchilikning paydo bo‘lishi bilan, ya’ni 

inson atrofidagi tabiatni o‘zlashtira boshlashi bilan tabiat boshqacha 

ijtimoiy  orzu  mezonlari  bilan  baholanadi,  o‘lchanadi,  inson  uchun 

tabiatning go‘zallik va xunuk tomonlari ayon bo‘la boshlaydi.  

Go‘zallikni  yuksak  darajadagi  foydalilik  tarzida  idrok  etiladi. 

Biroq, bu go‘zallikka munosabatning faqat bir jihati, xolos. Bizning 

asrimizda  insoniyat  ulkan  vayron  qilish  qudratiga  ega  bo‘lgan 

vositalarni qo‘lga kiritdi. Shu narsa aniq-ravshan bo‘lib bormoqdaki, 

tabiatga faqat moddiy manfaatdorlik nuqtai nazaridan munosabatda 

bo‘lish salbiy oqibatlarga ham olib keladi. 

Estetik  xususiyatlar  orasida  tabiat  go‘zalligi  inson  uchun 

hammadan  ko‘ra  yaqinroq  va  tushunarliroqdir.  Tabiat  bilan  yaqin 

bo‘lishga  botiniy  intilish,  undagi  go‘zallik  va  nafosat  olamini 

o‘zlashtirish, idrok etish inson zotiga xosdir.  

Tabiat  estetikasi  insonni  uyg‘unlikka  asoslangan  go‘zallikni 

ko‘rish, xis qilish, zavqlanish va qadrlashga o‘rgatadi. Chunki, tabiat 

go‘zalligi  ko‘z  bilan  ko‘rish,  qalb  bilan  his  etish  va  harakat  bilan 

barpo  etish  orqali  idrok  etiladi.  Bu  jarayon  uchta  jihatni  to‘laqonli 

anglash va munosabatda bo‘lishni taqozo etadi. Bu:  

a)  tabiiy  organizmning  o‘ziga  xos  tuzilishi  va  o‘zaro 

mutanosibligini;  

b) doimiy harakatda, rivojlanishda bo‘lgan jonli organizmning 

o‘ziga xos xususiyatlarni;  

v) tabiiy obyektlarga  xos bo‘lgan dekorativ nafosatni. Bunday 

hodisa odatda san’at orqali yetkazib beriladi. 

---

576 

Tabiatning estetik xususiyatlari insonni tabiatni sevishga, uning 

go‘zalligiga beg‘araz munosabatda bo‘lishga o‘rgatadi, ya’ni tabiatni 

faqat  odamlar  uchun  yaratilgan  deb  emas,  uni  jamiyatdan 

tashqaridagi  umumolamiy  mustaqil  qadriyat  sifatida  idrok  etishni 

taqozo  qiladi.  Ayniqsa,  tabiat  estetikasining  zamonaviy  ko‘rinishi 

bo‘lgan landshaft dizayni masalalariga zamonaviy yondashuv, atrof-

muhitni go‘zallashtirishda muhim ahamiyatga ega bo‘lib bormoqda. 

Shu  bois  mamlakatimizda  landshaft  dizaynini  yanada  rivojlantirish, 

aholi  punktlari  va  qishloqlararo  hududlarning  arxitekturaviy-badiiy 

qiyofasini yaxshilash, landshaft dizayni mutaxassislarini tayyorlash va 

qayta  tayyorlash  tizimini  takomillashtirish  maqsadida  O‘zbekiston 

Respublikasi 

Vazirlar 

Mahkamasining 

2013-yil 

13-avgustda 

“O‘zbekiston  Respublikasida  landshaft  dizaynini  rivojlantirish 

dasturini tasdiqlash to‘g‘risida” gi Qarori qabul qilindi. Qaror asosida 

ishlab chiqilgan dasturda Toshkent shahar hokimligi obodonlashtirish 

bosh  boshqarmasi,  Nukus  shahri  va  viloyat  markazlari  bo‘lgan 

shaharlar  obodonlashtirish  boshqarmalarining  landshaft  dizayni 

guruhlarini, loyihalash tashkilotlarini malakali kadrlar, mutaxassislar 

bilan ta’minlash, zarur texnika, asbob-uskunalar va materiallar sotib 

olish  uchun  mablag‘lar  ajratish  ko‘zda  tutilgan.  Ayniqsa,  landshaft, 

me’moriy dizayn bevosita inson turmush tarzining farovonlashuvi va 

sog‘lom turmush tarzining vujudga kelishida muhim ahamiyat kasb 

etayotganini alohida ta’kidlash lozim.  

Olmon  faylasufi  Immanuil  Kant  tabiatni  axloqiylik  bilan 

bog‘laydi: “Kimniki bevosita tabiat go‘zalligi qiziqtirsa, bu uning 

fikrlash  tarzida,  yo‘q  deganda,  axloqiylikka,  ezgulikka  qobiliyat 

mavjudligidan  dalolat  beradi”,  –  deydi.  Biroq,  yana  bir  olmon 

faylasufi  Gegelning  “Tabiatda  ideal  yo‘q,  shu  sababli  u  ikkinchi 

darajali  go‘zallikdir!”  –  degan  fikri  estetikada  uzoq  davrlar 

hukmronlik qildi. Bu ayniqsa, “tabiatdan in’om-ehson kutmaymiz, 

balki  uni  bo‘ysindirish  vazifamizdir”  -  degan  g‘oya  tarafdorlari 

uchun juda qo‘l keldi. Natijada uzoq yillar tabiat, atrof-muhim va 

ekologiya  estetikasi  muammolari  nazarda  chetda  qolib  keldi. 

Me’moriy obidalarni asrash, tiklash haqida qayg‘urdi, ularni estetik 

qadriyatlar  deb  e’lon  qildik,  lekin  landshaft  estetikasini  chetga 

chiqarib qo‘ydik.  

---

577 

O‘zbekistonda  tabiatga  estetik  munosabatni  takomillashtirish 

borasida  muayyan  tajriba  orttirildi.  Sohadagi  vazifalarning  ko‘lami 

mamlakatimiz  hamda  mintaqada  ekologik  vaziyatni  sog‘lom-

lashtirish bilan bog‘liq muammolarni kompleks hal etishni, bu borada 

davlat organlari, jamoat birlashmalari, fuqarolik jamiyati institutlari 

va fuqarolarning sa’y-harakatlarini muvofiqlashtirishni taqozo etadi. 

Zero,  sog‘lom  va  go‘zal  atrof-muhit  muhofazasi  davlatning, 

jamiyatning va har bir fuqaroning eng muhim vazifasidir. 

Inson hayotining  farovonligi  bevosita  tabiat  bilan bog‘liq, shu 

bois  ekologiya  va  inson  salomatligi,  tabiatga  estetik  munosabatni 

shakllantirish  masalalari  bugun  ijtimoiy  zaruriyatga  va  ma’naviy 

ehtiyojga  aylanib  bormoqda.  Bu  jamiyat,  davlat  va  har  bir  fuqaro 

manfaatiga  birdek  dahldor  masalalar  sirasiga  kiradi.  Tabiatni 

muhofaza  qilish,  hududlarni  obodonlashtirish,  ko‘chat-daraxtlar 

o‘tkazish  va  ularni  parvarishlash,  foydali  qushlar  va  hayvonlarga 

zarar  yetkazmaslik,  ko‘l  va  ariqlarni  ifloslantirmaslik,  ularni  doim 

tozalab  turish  tabiatni  go‘zallashtirish  muammolari  bilan  bevosita 

bog‘liq. 

Hozirgi  kunda  tobora  oydinlashib  borayotgan  haqiqat  shuki, 

tabiatni estetik qadriyat deb bilmaslik estetik savodsizlik, aniqrog‘i, 

bugun tabiatsiz estetikani tasavvur qilish mumkin emas.  

Ekoestetikaning XXI asr ilmiy-texnik taraqqiyotdagi o‘rni. 

Globallashuv  sur’atlarining  ortishi,  xalqaro  raqobatning 

kuchayishi,  axborot  texnologiyalari  jadal  rivojlanishi  hamda  fanlar 

integratsiyalashib  borayotgan  hozirgi  sharoitda  jamiyat  yangicha 

falsafiy  tafakkurga  zaruriyat  sezmoqda.  Endilikda,  falsafa  inson, 

jamiyat va davlatga har doimgidan ham ko‘ra ko‘proq kerak ekanligi 

ayon bo‘lib bormoqda. Chunki, inson ma’naviy kamol topib, jamiyat, 

fan  va  texnika  rivojlanib  borgani  sari  falsafiy  tafakkurga  bo‘lgan 

ehtiyoj  ham  kengayadi,  chuqurlashadi.  Bu  esa  falsafiy  fanlarga 

yangicha,  ijodiy  yondashish  zaruriyatini  keltirib  chiqaradi. 

Globallashuv  jarayonida  yangicha  mazmunga  va  zamonaviy 

ko‘rinishga  ega  bo‘lgan  estetik  qadriyatlar  shakllanmoqda.  Bu 

insonning tabiatga, jamiyatga, turmush tarziga, atrof-muhitga bo‘lgan 

munosabatida tobora aks etmoqda.  

XXI asrda olamni bilish, voqelikni estetik o‘zlashtirish bilan bir 

qatorda uni qadriyat sifatida e’zozlashga alohida e’tibor berilmoqda. 

---

578 

Endilikda odamlarning yaratuvchanlik faoliyati yuksalishi barobarida 

estetik  qadriyatlarga  nisbatan  munosabati  tubdan  o‘zgarmoqda.  Bu 

o‘z  navbatida  inson  mohiyatan  eng  oliy  qadriyat  ekanligi,  inson 

manfaatlarining  ustuvorligini  ta’minlash  barcha  islohot  va 

evrilishlarning bosh maqsadiga aylanganligi bilan belgilanadi. 

Ekologiyaning  inson  ekologiyasi  bo‘limi  odamning  atrof-

muhitga  moslashishi,  kasalliklarning  kelib  chiqishi  va  ularni  oldini 

olish, salomatlikning tabiiy va ijtimoiy omillari, irsiyat, atrof-muhit, 

turmush  tarzi,  oilani  rejalashtirish,  sog‘liqni  saqlash,  sport  bilan 

shug‘ullanish  va  shaxsiy  gigiyenalar  haqida  bilimlar  beradi, 

shuningdek,  salomatlikni  baholash  ko‘nikmalarini  shakllantiradi. 

Shubhasiz,  ekologik  ta’lim  dolzarb  global  muammo  hisoblangan 

tabiat  va  inson  o‘rtasidagi  uyg‘unlikni  ta’minlashda  katta  o‘rin 

egallaydi.  Insoniyatni  o‘rab  turgan  borliq,  tabiiy  va  ijtimoiy  atrof-

muhit, tirik va notirik tabiatning eng muhim tomonlarini ifodlaydigan 

qadriyatlar  umumbashariy  xususiyatga  egadir.  Bunday  qadriyatlar 

jamiyat uchun hech qachon o‘z ahamiyatini yo‘qotmaydigan, abadiy, 

mutlaq va muqaddas qadriyatlardir. Darhaqiqat tabiat go‘zalligini his 

qilish,  undan  zavqlanish,  nafosat  qonuniyatlari  asosida  tabiatni 

yanada  go‘zallashtirish, inson estetik didini rivojlantirish va estetik 

ehtiyojini qondirish bilan estetik qadriyatlarning yangi ko‘rinishlari 

shakllanib  bormoqda.  Tabiat  va  uning  borlig‘idagi  estetik  qad-

riyatlarga aylangan nabotot va hayvonot olami shular jumlasidandir.  

Ekoestetika quyidagi prinsiplarga asoslanadi: 

-

 

Dunyoni ekologik manzarasiga estetik munosabat. 

-

 

Inson  hayoti-Hayvonot  dunyosi  -  Nabotot  olami  uyg‘un 

rivojlanishi. 

-

 

Atrof-muhitni muhofaza qilishning estetik asoslari. 

-

 

Tabiatni estetik qadriyat sifatida baholash. 

-

 

Tirik organizmlar bir butunliginini estetik anglash. 

-

 

Tabiiy  jarayonlar  va  hodisalarning  antropotsentrikdan  bio-

tsentrik va politsentrikka o‘zgarishi usulini qo‘llash. 

-

 

Ekologik  tanglikning  estetik  madaniyat  tangligi  sifatida  xis 

etish. 

-

 

Ishlab  chiqarish  munosabatlarni  estetik  mezonlar  asosida 

tartibga solish. 

---

579 

-

 

Ekoestetika  va  etikosferaning  axloqiy-estetik  maqomini 

anglash. 

-

 

Insoniyat  barqaror  rivojlanish  konsepsiyasiga  tabiat  va 

jamiyat koevolyutsiyasi sifatida estetik baho berish. 

Insoniyat  kech  bo‘lsada  yer  sayyorasidagi  tabiatning  yuksak 

qadriyat  ekanligini  anglab  bormoqda.  Endilikda  tabiat  go‘zalligini 

asrash,  tabiatga  oqilona  munosabatda  bo‘lish  va  tabiatni 

go‘zallashtirish global masalalardan hisoblanadi. 

O‘zbekiston  Respublikasining  birinchi  Prezidenti  Islom 

Karimov  “Ekologiya  hozirgi  zamonning  keng  miqyosdagi  keskin 

ijtimoiy  muammolaridan  biridir.  Uni  hal  etish  barcha  halqlarning 

manfaatlariga  mos bo‘lib, sivilizatsiyaning hozirgi kuni  va kelajagi 

ko‘p jihatdan ana shu muammoning hal qilinishiga bog‘liqdir” - deb 

ta’kidlagan  edi.  Darhaqiqat,  insoniyat  hozir  o‘z  tarixining 

mas’uliyatli  davrida  yashamoqda,  u  “Tabiat  –  Jamiyat  -  Inson” 

munosabatlari  uyg‘unligining  yangi  rivojlanish  bosqichiga  qadam 

qo‘ydi.  Bu  tarixiy  davr  o‘z  real  imkoniyatlari,  obyektiv  taraqqiyot 

qonuniyatlari bilan jamiyat oldiga turli muammolarni qo‘ymoqda. Bu 

muammolar  orasida  eng  muhimi  -  tabiatni  asrash  va  oqilona 

munosabatdir.  

Tabiat alohida bir xalq va millatniki emas. Tabiat muqaddas bir 

dargoh,  inson  ko‘z  ochib  ko‘rgan  dunyo,  ona  zamin,  insoniyatning 

umumiy  uyi.  Shunday  ekan,  uni  avaylab-asrash,  atrof-muhitning 

ifloslanishiga yo‘l qo‘ymaslik, umumdavlat, umuminsoniyat ishidir. 

Ekologik muammoni hal etish barcha xalqlarning manfaatlariga mos 

bo‘lib,  sivilizatsiyaning  yashab  qolishi  ham  ushbu  muammoni  qay 

tariqa  hal  qilinishiga  bog‘liq.  Bu  o‘z  navbatida,  insonning  tabiatga 

estetik  munosabatini  o‘zgartirishni  taqozo  etadi.  Negaki,  voqelikka 

estetik munosabat - tabiatga muhabbatdan boshlanadi. Chunki, tabiat 

inson kamoloti, salohiyati, iqtidori, imkoniyati uchun betakror manba 

bo‘lib xizmat qiladi. 

Inson  bilimining  ortishi,  tabiatni  o‘rganish  va  o‘zlashtirish 

imkoniyatlarini  kengayishi  texnik-texnologik  taraqqiyotga  va  inson 

qudratini  yuksalishiga  olib  keldi.  Bu  holat  o‘z  navbatida,  insonni 

tabiat  ustidan  hukmronlik  qilishga  undadi.  Buning  oqibati  turli 

ko‘rinishdagi  ekologik  halokat,  tahdid,  zarar  va  illatlarni  yuzaga 

keltirdi.  

---

580 

Endilikda  tabiat  va  inson  o‘rtasida  yangicha  muloqot  vujudga 

kelmoqda. Inson tabiatning hukmroni emas, balki uning bir bo‘lagi 

ekanligi  tabiatga  nisbatan  qilingan  har  qanday  yomonlik  oqibat 

insonga  qilingan  yomonlik  ekanligini  anglab  yetdi.  Har  qancha 

ekologiyaga e’tibor qilmaylik, uni fan sifatida zo‘r berib o‘qitmaylik, 

baribir  tabiatni  tushunishimiz  qiyin,  zotan  ekologiya  tabiatni 

asrashni,  qutqarishni,  boyitishni  targ‘ib  qiladi.  Biroq  ularning 

hammasiga  faqat  estetika  yordamida,  uning  ekologiya  bilan 

hamkorligida  erishish  mumkin.  Chunki  estetika  insonga  tabiatni 

sevishni,  uning  go‘zalligiga  beg‘araz  munosabatda  bo‘lishni 

o‘rgatadi, ya’ni tabiatni faqat odamlar uchun yaratilgan deb emas, uni 

jamiyatdan  tashqaridagi  umumolamiy  mustaqil  qadriyat  sifatida 

idrok etishni taqozo qiladi.  

Ekologiya  atrof-muhitning  sifat  holatini  belgilovchi  omil 

bo‘lganligi uchun u iqtisodiyot, ijtimoiy hayot, davlatlarning ichki va 

tashqi  siyosatiga  ham  kirib  bordi.  Bu  bejiz  emas,  chunki  dunyoda 

ekologik muammolarning jiddiylashib borayotganligi hech kimga sir 

emas.  Ekologik  xavfsizlik  muammosi  allaqachonlar  milliy  va 

mintaqaviy  doiradan  chiqib  butun  insoniyatning  umumiy  muam-

mosiga  aylandi.  Ayniqsa,  Markaziy  Osiyo  davlatlarida  tabiatni 

muhofaza  qilishga  oid  qonunchilik  rivojlanmoqda  va  takomil-

lashmoqda,  genofondni  barqaror  rivojlantirishni  saqlab  qolishni 

tabiiy  resurslarda  oqilona  foydalanishni  ta’minlaydigan  hamda 

fuqarolarning maqbul atrof muhitga bo‘lgan huquqni kafolatlaydigan 

xalqaro  konvensiyalar,  shartnoma  va  bitimlarga  qo‘shilish  jarayoni 

davom etmoqda.  

Atrof-muhitga  bepisandlik,  tabiat  ne’matlariga  hurmatsizlik, 

o‘simlik  va  nabotot  olamiga  e’tiborsizlik  bugungi  kunga  kelib 

pirovardida  inson  va  uning  genofondiga  salbiy  ta’sirini  o‘tkaza 

boshladi. Bundan tashqari, tabiatga g‘ayriestetik munosabat biologik 

xilma-xillikning  qisqarishiga,  katta  hajmdagi  sanoat  va  boshqa  xil 

chiqindilarning  ko‘payishiga,  cho‘llanish,  yer  va  suv  resurslari 

degradatsiyasiga  hamda  mintaqaviy  va  global  miqyosda  yechilishi 

zarur bo‘lgan muammolarni keltirib chiqardi. Bu muammolar inson 

hamda  uning  manfaatlari  himoyasi,  avvalo,  sog‘lom  va  musaffo 

atrof-muhitga  ega  bo‘lish  huquqini  ta’minlash  jarayoni  amalga 

oshirilayotgan  islohotlarning  o‘zagini  tashkil  etgan  O‘zbekiston 

---

581 

uchun  atrof  tabiiy  muhitni  asrab-avaylashni  va  uni  sog‘lomlash-

tirishni yanada dolzarb qilib qo‘ydi.