Ызбекистон давлат жисмоний тарбия институти

Тренировканинг мусобақа даври 
Тренировканинг 
мусобақа даври-стадион ва майдончаларда енгил атлетика 
машғулотлари ўтказиладиган ёз пайтидир. 
Мусобақалашув давридаги тренировканинг асосий вазифалари: 
1. Танланган ихтисосга мувофиқ жисмоний ва ахлоқий-иродавий фазилатларни янада 
ривожлантириш.
2. Спорт техникасини такомиллаштириш ва уни мустахкамлаш.
3. Тактикани билиб олиш ва мусобақа тажрибаси хосил қилиш. 
4. Хар томонлама жисмоний тайёргарликни эришилган даражада сақлаб туриш. 
Бу даврда юқорироқ спорт натижаларига эришишга, спорт формасини узоқ сақлаб 
қолишга интилиб, тренировка кўрганлик даражасини узлуксиз ошира бориш керак. 
Мусобақалашув даври икки босқичга бўлинади: илк мусобақалашув босқичи -1 ой (май) 
ва асосий мусобақалар босқичи-4 ой (июнь-сентябрь). 
Биринчи босқичда енгил атлетикачилар зўр бериб тренировка қилишлари, 
мусобақаларга кам қатнашишлари керак. Бу ойдаги тренировкалар, уларга тайёрлов даврида 
нималар йиғилган бўлса, шуларни стадиондаги ёзги мусобақаларда ишлатиш учун керак. 
Хатто тайёрлов даврида жадал тренировка қилган енгил атлетикачилар хам ёз шароитидаги 
машғулотларнинг биринчи кунларида юқори спорт натижаларини кўрсата олмайдилар. 
Биринчи босқичдаги мусобақаларга қатнашган билан тренировка плани унчалик 
ўзгармаслиги керак: мусобақа олдидан дам олиш кунларини кўпайтириш ёки куч келишни 
камайтириш ярамайди. Енгил атлетикачилар мусобақаларга қатнашиш билан янги шароитга 
ўрганадилар, ўз имкониятларини текширадилар, машқ кўрганлик даражасини оширадилар, 
ўз тренировкаларининг самарадорлигини бахолайдилар. Одатда дастлабки мусобақалардан 
кейиноқ тренировка процессига ўзгартишлар киритиб, кейинги мусобақаларга яхшироқ 
тайёрланиш имконини берадиган хулосалар чиқарса бўлади. 
Умуман, илк мусобақалашув босқичидаги тренировкани, айниқса тайёрлик даражаси 
юқори бўлган спортчилар учун, кейинроқ ўтказиладиган масъулиятли мусобақаларга 
тайёрланиш, деб қараш керак.