Ызбекистон давлат жисмоний тарбия институти

Енгил атлетикачининг асосий жисмоний сифатларини ривожлантириш 
Жисмоний тайёргарлик умумий тайёргарликка ва махсус жисмоний тайёргарликка 
бўлинади. Умумий жисмоний тайёргарлик деганда, енгил атлетикачининг гармоник 
ривожланиши, яъни харакат мускулатурасини ривожлантириш, организм органлари ва 
системаларини мустахкамлаш, уларнинг функционал имкониятларини орттириш, бошқара 
олиш қобилиятини яхшилаш, кучни, тезкорликни, чаққонликни, чидамкорликни, 
эгилувчанликни ошириш, қомат ва тана тузилишидаги камчиликларини тузатиш назарда 
тутилади. Умумий ва махсус жисмоний тайёргарликда кучни, тезкорликни, чидамлийликни, 
эгилувчанликни ривожлантиришни машқлар асосий роль ўйнайди.
Кучни ривожлантириш. Куч кўпаймаса, спорт махоратига етишиб бўлмайди . Харакат 
тезлиги, хамда чидамлийлик ва чаққонийлик кўп жихатдан мускуллар кучига боғлиқ. 
Мускул кучи кучини физиологик кўндаланг кесимига тўғри пропорционал бўлгани учун 
жисмоний машқлар таъсирида мускул массаси ортган сари мускул кучи хам кўпая боради, 
шу билан бирга мускулларда айланиш кучаяди модда айланиши яхшиланади. Енгил 
атлетикачини танасидаги хамма мускуллар кучли гармоник ривожланган бўлиши керак. 
Хар қандай енгил атлетикачининг тренировкасида албатта кучни ривожлантирувчи 
машқлар ишлатилади. Лекин асосан енгил атлетиканинг мазкур турини бажариш учун энг 
мухим бўлган мускуллар группасини ривожлантиришга эътибор берилади. Кўпинча мускул 
кучи намоён қила олишни яхшилаш учун катта ва максимал кучланиш методлари 
қўлланилади. Енгил атлетикачилар тайёргарлигида статик кучланиш машқларидан хам 
изометрик усулда фойдаланилади.
Куч кўпайтирадиган машқлар тренировкани тайёрлов даврида кўпроқ, мусобақа 
даврида камроқ қўлланилади. Оғирликлардан энг каттаси, одатда штанга хисобланади. 
Унинг вазнини машқни турига ва тренировка қилувчиларнинг тайёрлик даражасига қараб 
ўзгартириб борилади. Катта ва ўртача зўр бериш талаб қилувчи динамик машқларнинг кўп 
қисмини дозалашини умумий қоидаси машқни давом эттириш қийинлашиб қолгунча 
бажаришдан иборат.