Иқтисодий таҳлил ва аудит

IAG 7. Аудит сифатини назорат қилиш:
Сифатни назорат қилиш аудиторлик касбига қўйиладиган юкори талабларнинг қондирилишида муҳим аҳамият касб этади.
Стандарт алоҳида текширувлар назорати билан умумий сифат назорати ўртасидаги аудиторлик фирмаси тарафидан белгиланган фаркни кўрсатиб беради. Назорат қилишнинг бу иккала тури ўртасидаги ўзаро боғлиқликнинг мавжуд эканлигининг эътироф этилиши билан бир вақтда, умумий сифат назорати алохида аудиторлар устидан ўрнатилган назоратни тўлдириши, лекин унинг ўрнини боса олмаслиги ҳам назарда тутилади. Стандартда аудиторнинг ўзи бажарадиган вазифаларни аудиторлик фаолиятининг асосий қоидаларига риоя қилинишини таъминлаш мақсадида алоҳида текширувлар ўтказиш учун ёрдамчиларига топшириш жараёни устидан назоратни амалга ошириш масалаларига тўхталиб ўтилган, ҳамда аудиторлик фирмасига унинг иши сифатини назорат қилиш юзасидан амалий маслахатлар берилган. Стандартларнинг иловасида сифатни назорат этиш, тадбирларига мисоллар келтирилган.
IAG 8. Аудит маълумотлари:
Аудит маълумотлари деганда аудитор томонидан унинг молиявий ҳисобот бериш хақидаги якуний хулосалари учун асос сифатида хизмат қилувчи хулосаларни тайёрлаш пайтида олинган маълумотлар тушунилади. Стандарт аудит маълумотларнинг асосий хусусиятларини ва манбаларини, хамда мазкур маълумотларнинг етарлилиги ва фойдаланишга яроқлилиги масалалари ҳам куриб чиқилади.
IAG 9. Ҳужжатлар:
Стандартда ҳужжатларнинг намунали шакллари ва уларни сақлаш ҳақидаги маълумотлар, ҳамда аудитор тарафидан тузилган ёки олинган ишчи ҳужжатларга аниқ мисоллар келтирилган.
IAG 10. Ички аудиторнинг иш натижаларидан фойдаланиш:
Ички аудит корхонада ички назорат Ўрнатиш элементи ҳисобланади ва махсус тайинланган ходим томонидан корхона доирасида амалга оширилади. Ички аудитнинг вазифаси - ички назорат механизмини ишлаб чикиш ва уни амалда қўллашнинг сифатини бахолашдан иборат. Ички аудит фаолияти натижаларининг асосий қисми, мустақил аудитор томонидан молиявий ахборотни тахлил қилишда қўлланиши мумкин.
Стандартда мустақил аудитор ички аудиторнинг ишини бахолаётганда бажариши лозим бўлган тадбирлар келтирилган.