Иқтисодий таҳлил ва аудит

IAG 11. Алдов ва хатоликлар:
Стандарт "алдов" ва "хатолик" тушунчалари таърифлаб беради, алдовнинг ва хатоликнинг олдини олиш учун корхона раҳбари масъул эканлигини белгилайди. Аудитор аудитни алдов ва хатоликлар натижасида юзага келадиган маълум миқдордаги жиддий моддий камчиликларининг аниқланиши эхтимолини ҳисобга олган холда режалаштириши лозим.
IAG 12. Таҳлилий текшурув:
Стандартда тахлилий текширув ва унинг вазифалари, Ўтказилиш вақти хусусида, хамда аудит Ўтказиш пайтида бу тадбирларга қай даражада суяниш мумкинлиги хусусидаги тавсиялар берилган, шунингдек стандартларда меъёрдан қайри оддий равишда четга чиқиш ҳолатларининг Ўрганилиш масалаларига ҳам тЎхталиб Ўтилган.
IAG 13. Молиявий ҳисоботлар бўйича аудитор хулосаси:
Стандарт корхонанинг молиявий ҳисобот беришини мустакил равишда текшириш материаллари бўйича тузиладиган аудиторлик хулосасининг шакли ва мазмуни хусусида тавсиялар беради. СЎзсиз хулосаларга берилиши мумкин бўлган таърифларни ва сЎзсиз хулосадан фарқ қилувчи хулоса ясаш мумкин бўлган холатларини кўриб чиқади.
IAG 14. Таркибида текширилган молиявий ҳисоботлар мавжуд бўлганҳужжатлардаги бошқа маълумотлар:
Стандартларда "бошқа маълумотлар" тушунчасига таркибида корхонанинг текширилган молиявий ҳисоботлари бўлган ҳужжатга аудиторнинг тегишли хулосаси билан биргаликда киритилган молиявий ва молиявий бўлмаган маълумотлар сифатида таъриф берилади. Бундай ҳужжат одатда корхона томонидан бир йилда бир марта тайёрланади ва кўпинча "йиллик ҳисобот" деб номланади: Баъзи бир холларда аудитор бошка маълумотлар хақида қонунга мувофик равишда хабар бериши шарт, баъзи холларда эса аудитор учун бундай мажбурият кузда тутилмайди. Стандартда аудиторнинг у хақда хабар бериши шарт бўлмаган бошқа маълумотларнинг аудитор томонидан қилинадиган тахлилини, хамда аудитор бошка маълумотларда жиддий номувофиқлик ёки жиддий хатоликлар аниқланган холларда қандай ишларни амалга ошириши лозимлиги масалалари кўриб чиқилади.
IAG 15. Маълумотларга электрон ишлов беришни қўллаш шароитларида аудит Ўтказиш:
Стандартда Маълумотларга электрон ишлов беришни қўллаш шароитларида IAG 3 "Аудит Ўтказишнинг асосий принциплари" стандартига мувофик, келиши лозим бўлган қўшимча тадбирларни амалга ошириш юзасидан тавсиялар берилган. Аудитор тайёрлаш ва унинг малакасини оширишга қўйиладиган талаблар, ҳамда унинг аудит Ўтказишни ёрдамчиларга топшираётганда ёки бошқа аудиторларнинг шу натижаларидан фойдаланиш пайтида риоя қилиши лозим бўлган шартлар келтирилган.