Issn 2181-9580 toshkent davlat pedagogika universiteti ilmiy axborotlari ilmiy-nazariy jurnali

TOSHKENT DAVLAT PEDAGOGIKA UNIVERSITETI ILMIY AXBOROTLARI 
 
2020/2
 
yozuvchining ijtimoiy-estetik qarashlari bilan uyg‘unlashib ketgan. Xususan, hikoyalarida 
yozuvchining sho‘ro mafkurasi haqidagi hukm-xulosalari, odamlarni shaxssiz kimsaga 
aylantirib tanazzulga duchor qilgan tuzum haqidagi to‘xtamlari aks etgan. 
N.Eshonqul o‘z asarlarida insonni, uning mohiyatini anglash va ochishga harakat qilar 
ekan, turli xil badiiy tasvir usullari va vositalaridan samarali foydalanishga urinadi. Jumladan, 
“Tun panjaralari” asari inson qismati, boqiylikka daxldor haqiqatlar haqidagi yozuvchi 
munosabatlari talqinidir. N.Eshonqul ijodida musiqa, tovush, ohang, suratlar, ranglar ramziy 
ma’no kasb etib, qahramon ruhiyatini, asar mazmunini ochishga, yozuvchi konsepsiyani 
tushunishga, shuningdek, ijodkor shaxsi, “men”ining, musiqa, tasviriy san’atga moyilligi 
kuchliligini ko‘rsatadi. Shu bilan birga badiiy asar estetik jozibasini kuchaytiradi. N.Eshonqul 
ijodiga xos bunday xususiyatlarning barchasi undagi ijodiy niyat va badiiy ifodaning parallel 
aks etishini ta’minlaydi. 
O‘ZBEK TILIDA SODDALANISH HODISASI VA UNING OMILLARI 
 
Zarmasov Sh.Sh. – Toshkent davlat pedagogika universiteti o‘qituvchisi 
Rahmonqulov B.N. – Toshkent davlat o‘zbek tili va adabiyoti universiteti magistranti 
 
Annotatsiya.
 
Mazkur maqolada so‘z tarkibida ro‘y beruvchi morfemalararo 
munosabatning diaxron va sinxron holati yoritib berilgan. O‘zbek tili morfemikasida 
soddalanish hodisasi tamoyillari, morfemalar munosabatining uzilishi natijasida yuzaga 
chiqadigan soddalanish hodisasining yuzaga chiqish sabablari ko‘rsatilgan va misollar orqali 
asoslab berilgan. Shuningdek, turkiy tillar va hozirgi o‘zbek adabiy tilida so‘z tarkibi va so‘z 
yasalishining o‘zaro farqlanuvchi belgilari ko‘rsatib o‘tilgan.