Issn 2091-5446 ilmiy axborotnoma научный вестник scientific reports

USTUVOR YO‘NALISHLARI 
H.A.Djurakulov  
Samarqand davlat universiteti o‘qituvchisi, E-mail: [e-mail] 
 
Annotatsiya. Ushbu maqolada bugungi kunda ekologik vaziyatni barqarorlashtirish, ekologik 
tanglikdan chiqish va odamlarda ekologik ong, ekologik huquq va ekologik madaniyatni 
shakllantirish, shuningdek, inson-jamiyat-tabiat tizimida muayyan uyg‘unlikka erishishda ekologik 
huquqiy ongni yuksaltirish masalalari yoritilgan. 
Kalit so‘zlar: ekologik ong, huquq, madaniyat, tanglik, ta’lim, inson-jamiyat-tabiat 
munosabatlari. 
 
Bugungi kunda mamlakatimizda amalga oshirilayotgan demokratik islohotlar hayotimizning 
barcha sohalarini to‘liq qamrab oldi. Jumladan, mustaqillik yillari mobaynida inson - jamiyat - tabiat 
tizimida muayyan uyg‘unlikka erishish, fuqarolarning qulay tabiiy atrof-muhitga bo‘lgan huquqlarini 
amalga oshirish, ekologik xavfsizlikni ta’minlash va eng muhimi jamiyatda ekologik huquqiy ongni 
yuksaltirish borasida muayyan yutuqlarga erishildi. 
Shu bilan birga, respublikamizning jahon hamjamiyatiga integratsiyalashuvi, bozor 
munosabatlarining chuqurlashuvi va tabiat resurslaridan jamiyat ehtiyojlarini qondirish maqsadida 
iste’mol qilish hajmining kengayishi hamda ayrim fuqarolarda tabiatga nisbatan nigilistik 
munosabatlarning mavjudligi jamiyat ekologik huquqiy ongini yuksaltirishga qaratilgan faoliyatni 
muntazam ravishda takomillashtirib borishni taqozo etmoqda. Binobarin, bugungi kunning eng 
dolzarb vazifalaridan biri sifatida mamlakatimizda amalga oshirilayotgan demokratik islohotlarning 
tizimliligini, muntazamliligini va eng muhimi, uning muvaffaqiyatini ta’minlashdagi asosiy omil-
lardan biri, ya’ni, fuqarolarning huquqiy, shu jumladan, ekologik huquqiy ongi va madaniyatini 
mazkur jarayonlarga mos holda rivojlantirib borish ekanligini qayd etish lozim. 
Fuqarolarning huquqiy ongi va madaniyatini zamon talablari asosida yuksaltirishning muhim-
ligiga alohida e’tibor qaratar ekan, respublikamiz Prezidenti I.A.Karimov bu borada jumladan, 
“odamlarni huquqiy madaniyat, huquqiy ong, huquqiy bilimlar bilan qurollantirish asosiy vazifalardan 
biri bo‘lishi shart. Toki jamiyatning har qaysi a’zosi o‘z huquqi, o‘z burchi va mas’uliyatini puxta 
50 

---