Issn 2091-5446 ilmiy axborotnoma научный вестник scientific reports

III. Sifat + atoqli ot modelidagi qo‘shma tarkibli oykonimlar: Kichik Qurama, Kichik 
Toshbuloq, Katta Toshbuloq, Yuqori G‘irvon, Quyi G‘irvon, O‘rta G‘irvon, Quyi Rovuston, Yuqori 
Rovuston, O‘rta Rovuston (Namangan tumani), Yuqori Cho‘ja, Yangi Farg‘ona (Norin tumani), 
Yuqori Chodak (Pop tumani), Past Mo‘g‘iltoy (To‘raqo‘rgo‘n tumani), Katta Mo‘g‘ol (Uchqo‘rgo’n 
tumani) kabi. Bu modeldagi oykonimlar bir aholi manzilini kengayishi va natijada ma’lum, ya’ni 
yuqori, quyi, o‘rta, baland, past qismlarga bo‘linishi, bir manzil yonida boshqasini yuzaga kelishi 
hamda ularni oppozitsion zidlash asosida nomlanishi natijasida yuzaga kelgan. 
IV. Ot + sifat modelidagi qo‘shma tarkibli oykonimlar. O‘zbekiston, jumladan, Namangan 
viloyati oykonimiyasida ot + sifat, ya’ni ot+obod formanti modelidagi joy nomlari eng ko‘p 
tarqalgan. Obod so‘zi tojikcha ob – suv, obod – suvli, suv etarli joy degan ma’noni bildiradi. Bu so‘z 
shahar, qishloq, umuman aholi manzilgohlariga nisbatan ishlatiladi. Asosiy ma’nosi “gullagan” 
demakdir. [5.29]
Namangan viloyati oykonimiyasida ot+obod formanti modelidagi oykonimlarni o‘z ichida 
quyidagicha guruhlash mumkin:
a) turdosh ot + obod formanti modelidagi qo‘shma tarkibli oykonimlar: Bahriobod 
(Uchqo‘rgo’n tumani), Bekobod (Yangiqo’rgo’n, To‘raqo’rgo’n tumani), Gulobod (Kosonsoy 
tumani), Davlatobod (Namangan shahar), Dehqonobod (Mingbuloq, Uychi, Uchqo‘rgo’n ,Chust 
tumani), Do‘stlarobod (Chust t.), Islomobod (Uychi, Uchqo‘rgo’n tumani), Mirzavot //Mirzaobod 
(Chust tumani), Mirobod (Pop tumani), Navro‘zobod (Yangiqorgo’n tumani), Naymanobod (Norin 
tumani), Nurobod (Namangan shahar, Uchqo‘rgo’n tumani), Paxtaobod (Pop tumani), Sohilobod 
(To‘raqo‘rg‘on tumani), Xalqobod (Pop tumani), Xonobod (Namangan, Pop tumani), Xo‘jaobod 
(Norin, Pop, Uychi, Chust tumani), Hojiobod (Uychi tumani), Haqqulobod (Norin tumani) kabi;