Issn 2091-5446 ilmiy axborotnoma научный вестник scientific reports

1. Ot apellyativlardan tarkib topgan oykonimlar: Ishonch, Sohibkor, Olvalizor, To‘quvchi 
(Namangan shahar), Guzar, Yoshlik (Kosonsoy tumani), To‘lqin (Norin tumani) kabi. 
2. Sifat apellyativlardan tarkib topgan oykonimlar: Madaniy, Ozod, Obod, Zarbdor 
(Namangan shahar ), Obodon (Kosonsoy, To‘raqo‘rg‘on tumani), Go‘zal, Yaydoq (Norin tumani) 
kabi. 
3. Fe’l apellyativlardan tarkib topgan oykonimlar: Changitma (Norin tumani), To‘sar 
(Namangan tumani), Birlashgan (To‘raqo‘rg‘on tumani) kabi. 
Tarkibi birdan ortiq lug‘aviy asosdan iborat aholi manzillarining nomlari qo‘shma tarkibli 
oykonimlardir. Qo‘shma tarkibli oykonimlar kompozitsiya usuli bilan yasaladi.
Qo‘shma tarkibli oykonimlarning morfologik asosi va shakllanish modeliga ko‘ra quyidagi 
turlari kuzatiladi: 
I. Ot+ot modelidagi qo‘shma tarkibli oykonimlar: Gulbog‘, Qadam-joy (Namangan shahar) 
Dashtbog‘, Ko‘lqo‘rg‘on (Namangan tumani), Otbozor (Norin tumani), Bo‘riuya (Chust tumani) 
Buloqboshi (Kosonsoy, Chust, Pop, Yangiqo‘rg‘on tumani), Buloqbo‘yi (Chust tumani) kabi. 
II. Sifat + ot modelidagi qo‘shma tarkibli oykonimlar: Balandariq (Uychi,Uchqo‘rgo’n 
tumani), Balandko‘prik (Uchqo‘rgo’n tumani), Yangihayot, Yangitong (Namangan shahar), 
Uzunqishloq, Yangishahar, Yangiyo‘l, O‘rta ko‘cha (Kosonsoy tumani), Oqer (Namangan tumani), 
Oqqir (Chust tumani),Oqtol (Chust tumani), Oqtom (Yangiqorgo’n tumani), Oqtosh (To‘raqo’rgo’n, 
Uychi, Chust tumani), Oqtepa (Kosonsoy, Pop, Yangiqo’rgo’n tumani), Oqqum (Mingbuloq tumani), 
Oqterak (Chortoq tumani), Qizilyozi (Yangiqo’rgo’n tumani), Qizilqiyoq (Yangiqo’rgo’n tumani), 
Qizilqum (Mingbuloq tumani), Qiziltepa (Chust tumani), Qiziltov (Norin tumani), Qiziltol (Mingbuloq 
tumani), Qiziltosh (Chust tumani.) kabi. Bu modeldagi oykonimlarning yuzaga kelishida yangi, eski, 
oq, qora, qizil, sariq, katta, kichik, mayda, baland, yuqori, do‘ng, o‘rta, quyi, past, keng, tor, chuqur, 
uzun kabi belgi-xususiyat bildiruvchi maxsus sifatlar faol qatnashgan. Biz to‘plagan oykonimlar 
orasida oq, qizil, yangi sifatlari qatnashgan nomlarning 8-10 tagacha ekanligi fikrimizning dalilidir. 
Sifat + ot modelidagi nomlarning ba’zilari sifat - oykonimik indikator ko‘rinishida bo‘ladi: 
O‘rtaqishloq (Mingbuloq tumani), Eskiqishloq, Yangiqishloq, Yangier, Yangichek, Yuqoriqishloq (Pop 
tumani), Pastguzar (Uychi tumani), Qizilravot (Uychi tumani) kabi.