Issn 2091-5446 ilmiy axborotnoma научный вестник scientific reports

1) apellyativ leksika = ot: Chinor, Bahor, Ishchi (Namangan shahri), Baxt (To‘raqo‘rg‘on, 
Uchqo‘rg‘on tumani), Baraka (Yangiqo‘rg‘on tumani), Bog‘ (Pop, Yangiqo‘rg‘on tumani), Dasht 
(Namangan, To‘raqo‘rg‘on tumani), Maydon (Pop, Chust tumani.) kabi; 
2) atoqli ot = ot: Alpomish, Furqat, Mashrab (Namangan shahri), Navro‘z, Oybek (Mingbuloq 
tumani), Bobur, Navoiy (Norin tumani) kabi. 
Transonimizatsiya asosida quyidagi atoqli ot turlaridan hosil qilingan sodda oykonimlarning 
quyidagi turlari kuzatiladi: 
1. Antroponimlar (kishilarning ismi, familiyasi, ota ismi, laqabi)dan hosil bo‘lgan oykonimlar: 
Bahodireshon (Namangan shahri), Abdulla Qahhor (Pop tumani), Abdulla Mo‘minov (Uychi tumani), 
Abdurahmon Jomiy (Kosonsoy tumani), Bobur (Norin tumani) kabi. 
2. Etnonimlar (millat, urug‘, qabila nomlari)dan hosil bo‘lgan oykonimlar: Arbag‘ish// 
Ariqbag‘ish (Chortoq tumani), Bag‘ish (Chortoq tumani), Baymoq (Chust tumani), Beshserka 
(Mingbuloq tumani), Dovduq (Mingbuloq tumani), Qatag‘on (To‘raqo‘rg‘on tumani ), Qatag‘onsaroy 
(To‘raqo‘rg‘on tumani) kabi. 
Sodda tarkibli oykonimlarning yuqoridagi birinchi turi onomastik konversiya, ikkinchisi 
transonimizatsiya usuli asosida hosil bo‘lgan. Toponimlar, jumladan, oykonimlar hosil bo‘lishida 
onomastik konversiya muhim o‘rin tutadi. Konversiya usuli mohiyatan so‘z yasashning leksik-
semantik usuliga to‘g‘ri keladi. Onomastikaga oid so‘nggi ilmiy manbalarda leksik-semantik usul 
onomastik konversiya deb yuritilmoqda. Ilmiy manbalarda onomastik konversiyaning bir turi sifatida 
toponimik konversiya ham qayd etiladi. Toponimik konversiya asosida hosil bo‘lgan oykonimlarning 
ikki turini ajratish mumkin: 
1) tub tarkibli sodda oykonimlar: Ravot, Sohil, Haqiqat, Bog‘ (Yangiqo‘rg‘on tumani), 
Istiqlol, Guzar (Chust tumani), Yog‘du, Atlas, Madaniyat, Sanoat (Uchqo‘rg‘on tumani), Baxt, Dasht 
(To‘raqo‘rg‘on tumani) kabi;